কোকৰাঝাৰ,14 ছেপ্তেম্বৰঃ সোমবাৰে আনুষ্ঠানিকভাৱে ঘোষণা কৰা হ’ল সদৌ অসম ছাত্ৰ সন্থা আৰু অসম যুৱ ছাত্ৰ পৰিষদৰ উদ্যোগত গঠন হোৱা নতুন ৰাজনৈতিক দল অসম জাতীয় পৰিষদৰ ৷ এই নৱ গঠিত ৰাজনৈতিক দলটোক আদৰণি জনায় ইউপিপিএল দলৰ সভাপতি প্ৰমোদ বড়োৱে ৷ তেখেতে কয় যে, এখন গণতান্ত্ৰিক ৰাষ্ট্ৰত সকলোৰে ৰাজনৈতিক দল গঠনৰ অধিকাৰ আছে ৷ এই ক্ষেত্ৰত ৰাইজৰ উন্নয়নৰ বাবে কাম কৰিব বিচৰা সকলো লোকেকে আদৰণি জনাইছো ৷ দৰিদ্ৰ লোকসকলৰ উপৰিও বিভিন্ন জাতি-জনগোষ্ঠীৰ সমস্যাসমূহ সমাধানৰ বাবে সকলোকে একত্ৰিত হৈ আগবাঢ়ি আহিবলৈ আহ্বান জনায় ইউপিপিএলৰ সভাপতি প্ৰমোদ বড়োৱে ৷
অসম জাতীয় পৰিষদ দলক আদৰণি প্ৰমোদ বড়োৰ