কোকৰাঝাৰ,9 নৱেম্বৰ: বিটিএডি অঞ্চলত বসবাস কৰা নাথ-যোগী সম্প্ৰদায়ৰ লোকসকলৰ আৰ্থ সামাজিক, সাংস্কৃতিক, শৈক্ষিক আদি বিভিন্ন ধৰণৰ সমস্যা সমাধানৰ ক্ষেত্ৰত মাত মাতি অহা অন্যতম অনুষ্ঠান হৈছে সদৌ বিটিএডি নাথ-যোগী সন্মিলনী ৷ এই সংগঠনৰ ভাতৃ সংগঠন দুটা হৈছে যুৱ সন্মিলনী আৰু মহিলা সন্মিলনী ৷ এই তিনিওটা সংগঠনৰে নৱ-নিৰ্বাচিত বিষয়-ববীয়াসকলে সোমবাৰে আনুষ্ঠানিকভাৱে শপত গ্ৰহণ কৰে ৷
কোকৰাঝাৰ চহৰৰ নাতিদূৰৈত অৱস্থিত ভূটীয়াপাৰাৰ শিৱশক্তি ভৱনত সদৌ বিটিএডি নাথ-যোগী সন্মিলনীৰ নৱ-নিৰ্বাচিত সভাপতি পিয়লি ফুকন নাথ আৰু সদৌ অসম প্ৰাদেশিক নাথ-যোগী সন্মিলনীৰ সভাপতি ড৹ অৰুণ বৰা নাথৰ উপস্থিতিত বিটিএডিৰ চাৰি জিলাৰে নৱ-নিৰ্বাচিত বিষয়-ববীয়াসকলে শপত বাক্য পাঠ কৰি দায়িত্ব গ্ৰহণ কৰে ৷