কোকৰাঝাৰ, 15 আগষ্ট:কৰ'ণা ভাইৰাছৰ সৈতে যুঁজ চলাই থকাৰ মাজতেই দেশবাসীয়ে পালন কৰিছে 74 সংখ্যক স্বাধীনতা দিৱস ৷ কিন্তু ইয়াৰ মাজতেই পোহৰলৈ আহিছে কোকৰাঝাৰৰ এগৰাকী চৰকাৰী শিক্ষয়ত্ৰীৰ কৰ্ম দায়িত্বহীনতা ৷ বিদ্যালয়খনৰ প্ৰধান শিক্ষয়িত্ৰীৰ কৰ্ম কাণ্ডই বিপাঙত পেলাইছে অঞ্চলবাসীক ৷
চৰকাৰী বিদ্যালয়ত উত্তোলন নহ’ল ৰাষ্ট্ৰীয় পতাকা !
লক্ষ্যণীয় বিষয়তো হ’ল যে, কোকৰাঝাৰ জিলাৰ ভোটগাঁওস্থিত 93 নং থানাদাৰপাৰা প্ৰাথমিক বিদ্যালয়ৰ প্ৰধান শিক্ষয়িত্ৰী ৰীতা ৰাণী ৰায়য়ে পাহৰিলে স্বাধীনতা দিৱস | যাৰ ফলত ছাত্ৰ-ছাত্ৰীয়ে স্বাধীনতা দিৱসৰ পতাকা উত্তোলনৰ বাবে হাতত ফুল লৈ বিদ্যালয়লৈ আহিছিল যদিও আহি নাপালে প্ৰধান শিক্ষয়িত্ৰী ৷ ফলত বিদ্যালয়খনত উত্তোলন কৰা নহ’ল ৰাষ্ট্ৰীয় পতাকা ৷