বিশুদ্ধ খোৱাপানীৰ অভাৱত ধৰমপুৰবাসী

বাৰিষাৰ সময়ছোৱাত কুঁৱাৰ পানী ওফন্দি উঠাৰ পিচতো কুঁৱাৰ পানীকে খোৱাপানী হিচাপে সেৱন কৰি আহিবলগা হৈছে গাঁওবাসীয়ে

কোকৰাঝাৰ, 27 জুলাইঃ বিশুদ্ধ খোৱাপানীৰ অভাৱত কোকৰাঝাৰ জিলাৰ 31 নং ৰাষ্ট্ৰীয় ঘাইপথৰ উত্তৰে থকা ধৰমপুৰ গাওঁ ৷ 1991 চনতে নিৰ্মাণ কৰা এটা 28 বছৰ পুৰণি কুঁৱাৰ ওপৰতে নিৰ্ভৰশীল গাঁওখনৰ লোকসকল । দুখন গাঁও একগোট হৈ নিৰ্মাণ কৰিছিল কুঁৱাটো৷ কিন্তু বাৰিষাৰ সময়ছোৱাত এই কুঁৱাৰ পানী ওফন্দি উঠাৰ পিচতো কুঁৱাৰ পানীকে সেৱন কৰি আহিবলগা হৈছে গাঁওবাসীয়ে । বৰ্তমানেও কোনো চৰকাৰী আঁচনিয়ে ঢুকি নোপোৱাৰ অভিযোগ ধৰমপুৰবাসীৰ ৷