কোকৰাঝাৰ, 15 ছেপ্তেম্বৰঃ বিটিআৰ চুক্তিৰ 6.3 দফা অতিশীঘ্ৰে কাৰ্যকৰী কৰাৰ দাবী নিখিল বড়ো ছাত্ৰ সন্থাৰ ৷ কৰ’ণা মহামাৰীৰ বাবে বিটিআৰ চুক্তি ৰূপায়ণৰ কাম-কাজ লেহেমীয়া হোৱাৰ অভিযোগ উত্থাপন হোৱাৰ সময়তেই এবছুৱেও চুক্তিৰ ৬.৩ দফা কাৰ্যকৰী কৰাৰ দাবী উত্থাপন কৰিছে ৷
বিটিআৰ চুক্তিৰ 6.3 দফা অতিশীঘ্ৰে কাৰ্যকৰী কৰাৰ দাবী এবছুৰ
সাংবাদিকৰ আগত মত বিনিময় কৰি নিখিল বড়ো ছাত্ৰ সন্থাৰ সভাপতি দ্বীপেন বড়োই কয়, বিটিআৰ চুক্তিৰ ৬.৩ দফা অনুসৰি বিটিআৰ অঞ্চলৰ শিক্ষানুষ্ঠানসমূহ প্ৰাদেশিকীকৰণ কৰা ৷ এই সন্দৰ্ভত ইতিমধ্যে বিগত 30 আগষ্টত শিক্ষামন্ত্ৰী হিমন্ত বিশ্ব শৰ্মাৰে উচ্চস্তৰীয় বিষয়াৰ উপস্থিতিত নিখিল বড়ো ছাত্ৰ সন্থাই আলোচনাত মিলিত হৈছিল ৷ আৰু এই সভাতেই এখন কমিটি গঠন কৰি বিটিআৰ অঞ্চলৰ অপ্ৰেদশিকীকৃত শিক্ষানুষ্ঠানসমূহ বিটিআৰ চুক্তিৰ আধাৰত প্ৰদেশীকৰণৰ ব্যৱস্থা হাতত লৈছিল ৷