কৰিমগঞ্জ , ১১ মাৰ্চ :ৰাজ্যত পুনৰ সংঘটিত হয় বোৱাৰী হত্যাৰ ঘটনা । অসম ত্ৰিপুৰা সীমান্তবৰ্তী ত্ৰিপুৰাৰ কদমতলাত সংঘটিত হয় এই ঘটনা ।
ঘটনাৰ বিৱৰণী অনুসৰি মালতী দাস নামৰ মহিলা এগৰাকীৰ কদমতলাৰ দিপন দাসৰ লগত বিয়া হৈছিল । কিন্তু বিয়াৰ পাচৰে পৰা মালতীক স্বামী দিপন আৰু দিপনৰ পৰিয়ালৰ লোকে আন যুৱকৰ সৈতে সম্পৰ্ক ৰক্ষা কৰাৰ সন্দেহ কৰিছিল । তেনে সময়তে চাৰিমাহৰ অন্তসত্বা মালতীক স্বামী পৰিয়ালে বিগত ১ মাৰ্চ তাৰিখে গাত কেৰাচিন ঢালি জুই লগাই দিয়াৰ অভিযোগ উত্থাপন কৰে মালতীৰ পৰিয়ালৰ লোকে । দহদিন শিলচৰ মেডিকেল কলেজ চিকিৎসালয়ত চিকিৎসাধীন হৈ থকাৰ পাচত অৱশেষত দেওবাৰে নিশা মৃত্যুৰ আগত হাৰ মানে অন্তসত্বা মালতীয়ে । ইতিমধ্য এই সন্দৰ্ভত ত্ৰিপুৰা আৰক্ষীয়ে স্বামী দিপন দাস আৰু শহুৰ অঞ্জন দাসক আটক কৰে ।
