কৰিমগঞ্জ,19 এপ্ৰিল: বদৰপুৰ আৰক্ষীৰ বৃহৎ সাফল্য । দেওবাৰে নিশা গোপন খবৰৰ ভিত্তিত কৰিমগঞ্জ জিলাৰ বদৰপুৰত এখন ট্ৰাকৰ পৰা হাত-মুখ বান্ধি থোৱা অৱস্থাত উদ্ধাৰ কৰা হয় দুজনকৈ যুৱকক ৷ বদৰপুৰ আৰক্ষীয়ে অভিযান চলায় উদ্ধাৰ কৰে যুৱক দুজনক ৷ যুৱক দুজনৰ ঘৰ উত্তৰ প্ৰদেশত বুলি জানিব পৰা গৈছে ৷
কৰিমগঞ্জত হাত-মুখ বন্ধা অৱস্থাত উদ্ধাৰ দুই যুৱক ইয়াৰ লগতে, এই ঘটনাৰ সৈতে জড়িত থকা তিনিজন অপহৰণকাৰীকো আটক কৰে বদৰপুৰ আৰক্ষীয়ে ৷ আৰক্ষীয়ে প্ৰকাশ কৰা অনুসৰি, অপহৰণকাৰীকেইজন ত্ৰিপুৰাৰ ৷ বৰ্তমানলৈকে ঘটনা সন্দৰ্ভত অধিক তথ্য লাভ কৰা হোৱা নাই যদিও আৰক্ষীয়ে অব্যাহত ৰাখিছে তদন্ত ৷ তদন্তৰ খাতিৰতে অধিক তথ্য প্ৰদানৰ পৰা বিৰত আছে আৰক্ষী ৷
অন্য এক খবৰৰ বাবে: গোলাঘাটত পথ দুৰ্ঘটনা : এজন নিহত
