কৰিমগঞ্জৰ হাস্পতালত চিকিৎসা সামগ্ৰী প্ৰদান ক্ৰিকেটাৰ শচীন তেণ্ডুলকাৰৰ

কৰিমগঞ্জৰ চেৰিটেবল হাস্পতালত চিকিৎসা সামগ্ৰী প্ৰদান কৰিলে ক্ৰিকেটৰ ঈশ্বৰ হিচাপে খ্যাত শচীন তেণ্ডুলকাৰে । জিলাখনৰ বাজাৰিছড়াস্থিত মাকুন্দা খ্ৰীষ্টান মিছনেৰী হাস্পতালত বিভিন্ন প্ৰয়োজনীয় সামগ্ৰী প্ৰদান কৰিলে ভাৰতীয় দলৰ প্ৰাক্তন ক্ৰিকেটাৰ তথা মাষ্টাৰ ব্লাষ্টাৰ শচীন তেণ্ডুলকাৰে ।

কৰিমগঞ্জ, 14 নৱেম্বৰ : কৰিমগঞ্জৰ চেৰিটেবল হাস্পতালত চিকিৎসা সামগ্ৰী প্ৰদান কৰিলে ক্ৰিকেটৰ ঈশ্বৰ হিচাপে খ্যাত শচীন তেণ্ডুলকাৰে । জিলাখনৰ বাজাৰিছড়াস্থিত মাকুন্দা খ্ৰীষ্টান মিছনেৰী হাস্পতালত বিভিন্ন প্ৰয়োজনীয় সামগ্ৰী প্ৰদান কৰিলে ভাৰতীয় দলৰ প্ৰাক্তন ক্ৰিকেটাৰ তথা মাষ্টাৰ ব্লাষ্টাৰ শচীন তেণ্ডুলকাৰে । শচীন তেণ্ডুলকাৰে প্ৰদান কৰা চিকিৎসা সামগ্ৰী মূলতঃ পেডিয়াট্ৰিক ইনটেনছিভ কেয়াৰ ইউনিট আৰু ন্যাটাল কেয়াৰ ইউনিটত ব্যবহাৰ কৰা হ‘ব । ইয়াৰ দ্বাৰা দুখীয়া পৰিয়ালৰ প্ৰায় 2000 শিশুৰ চিকিৎসা প্ৰদানত সুবিধা হ‘ব ৷

উল্লেখ্য যে, বিগত কেবা যুগ ধৰি বৰাক উপত্যকাৰ বিভিন্ন প্ৰান্তৰ সমান্তৰালকৈ চুবুৰীয়া ত্ৰিপুৰা ৰাজ্যৰ লোকক উন্নত চিকিৎসা পৰিসেৱা প্ৰদান কৰি আহিছে মাকুন্দা খ্ৰীষ্টান মিছনেৰী হাস্পতালে । আৰু বিশেষকৈ প্ৰসূতি মাতৃকে ধৰি বিভিন্ন জটিল অস্ত্ৰোপচাৰ এই চিকিৎসালয়ত সম্পন্ন কৰা হয় বিদেশৰ পৰা অহা চিকিৎসকৰ দ্বাৰা । এতিয়া শচীন তেণ্ডুলকাৰৰ দৰে এগৰাকী বৰেণ্য ব্যক্তিয়ে কৰিমগঞ্জৰ দৰে পিছপৰা এখন জিলাৰ ভিতৰুৱা অঞ্চলৰ হাস্পতালৰ সহায়ৰ বাবে আগবাঢ়ি অহাৰ বাবে জিলাখনৰ সাধাৰণ ৰাইজে আনন্দ প্ৰকাশ কৰিছে ।

লগতে পঢ়ক:শীতৰ সময়ত বন্ধ থাকিব গংগোত্ৰীৰ দুৱাৰ