কৰিমগঞ্জ, 17 জুনঃ পাথাৰকান্দি সমষ্টিত প্ৰধানমন্ত্ৰী গ্ৰম্য পকী পথ যোজনাৰ অধিনত নিৰ্মীয়মান এটা পথত ব্যাপক খেলিমেলিৰ অভিযোগ উত্থাপন কৰিছে স্থানীয় জনতাই । কাম সম্পূৰ্ণ কৰাৰ নিৰ্ধাৰিত সময় উকলি যোৱাৰ পিছতো পঞ্চাশ শতাংশও কাম সম্পন্ন হৈ নুঠাৰ বাবে ক্ষোভ উজাৰিছে স্থানীয় লোকে । ইপিনে এতিয়াইলৈ সম্পূৰ্ণ হোৱা কামৰ ক্ষেত্ৰতো মুঠেও সন্তুষ্ট নহয় অঞ্চলটোৰ ৰাইজ । কিয়নো নিম্নমানৰ কাম হোৱাৰ বাবে পথটোৰ বিভিন্ন অংশ বৰষুণৰ পানীয়ে খহায় নিয়া দেখা গৈছে ।
পাথাৰকান্দি সমষ্টিত প্ৰধানমন্ত্ৰী গ্ৰম্য পকী পথ যোজনাত ব্যাপক খেলিমেলিৰ অভিযোগ
পাথাৰকান্দি সমষ্টিৰ অন্তৰ্গত লোৱাইৰপোৱাৰ পৰা পেচাৰঘাটলৈকে পথটো নিৰ্মাণৰ বাবে 2018 চনত চাৰি কোটি পয়ত্ৰিশ লাখ টকা ধাৰ্য কৰা হৈছিল আৰু পথ নিৰ্মাণৰ কাম আৰম্ভও হৈছিল । জনৈক মদনমোহন দাস নামৰ ঠিকাদাৰ এজনে এই পথটোৰ নিৰ্মাণৰ নিবিদা লাভ কৰিছিল ।