কটকটীয়া নিৰাপত্তা বেষ্টনীৰ মাজেৰে কৰিমগঞ্জত দাখিল হ'ল মনোনয়ন

ৰিংটাৰ্নিং অফিছাৰৰ কাৰ্যালয়ৰ ভিতৰত প্ৰৱেশৰ পৰা বঞ্চিত প্ৰাক্তন মন্ত্ৰী গৌতম ৰয় ছিদ্দিক আহমেদৰ দৰে হাই প্ৰফাইল নেতা

কৰিমগঞ্জ, 25 মাৰ্চঃ কৰিমগঞ্জত কমেও পাঁচটাকৈ গেট অতিক্ৰম কৰি মননোয়ন জমা দিলে কংগ্ৰেছ প্ৰাৰ্থীয়ে ৷ প্ৰাক্তন মন্ত্ৰী গৌতম ৰয় ছিদ্দিক আহমেদৰ দৰে হাই প্ৰফাইল নেতাও দীৰ্ঘসময় ধৰি ৰৈ থকিবলগা হল গেটত ৷ উল্লেখ্য যে, সোমবাৰে কৰিমগঞ্জত তিনিগৰাকী প্ৰাৰ্থীয়ে জমা দিয়ে মননোয়ন পত্ৰ ৷ কংগ্ৰেছ প্ৰাৰ্থী স্বৰূপ দাস, এআইইউডিএফ প্ৰাৰ্থী ৰাধেশ্যাম বিশ্বাস আৰু তৃণমুল কংগ্ৰেছৰ প্ৰাৰ্থী চন্দন দাসে ৰিটাৰ্নিং অফিচাৰ পি.বি ৰয়ৰ হাতত জমা দিয়ে মননোয়ন ৷ লোকসভা নিৰ্বাচনৰ মননোয়ন দাখিলক লৈ ৰাজনৈতিক উন্মাদনা সৃষ্টি হোৱাৰ আশংকাত ৰিংটাৰ্নিং অফিছাৰৰ কাৰ্যালয়ৰ চৌদিশে বনোৱা হয় এটাৰ পিছত এটা বেৰিকেট ৷ তাৰোপৰি কাৰ্যালয় চৌহদত গঢ়ি তোলা হয় কটকটীয়া নিৰাপত্তা বেষ্টনী ৷ যাৰ বাবে কংগ্ৰেছ প্ৰাৰ্থী স্বৰূপ দাসৰ পক্ষত অহা প্ৰাক্তন মন্ত্ৰী গৌতম ৰয়, বিধায়ক কমলাক্ষ দে পুৰকায়স্থক ভিতৰত সোমাবলৈ বাধা দিয়ে কাৰ্যালয়ত সৰ্বত্ৰে মোতায়ন কৰা চিআৰপিএফ, বিএছএফ, অসম আৰক্ষীয়ে ৷ যাক লৈ সামন্য পৰিমাণে উত্তেজনা সৃষ্টি হয় কাৰ্যালয় চৌহদত৷