অতিৰিক্ত জিলা উপায়ুক্তক দুৰ্ব্যৱহাৰ কৰি আৰক্ষীৰ জালত এজন যুৱক

জিলা প্ৰশাসকৰ সৈতে কৰা অভব্য আচৰণৰ অভিযোগত কৰিমগঞ্জৰ পাথাৰকান্দিত গ্ৰেপ্তাৰ হয় দেবাশিস সিন্হা নামৰ এজন যুৱক ৷ প্ৰশাসনে জিলাৰ বাহিৰলৈ যাবলৈ অনুমতি প্ৰদান নকৰাৰ বাবে অতিৰিক্ত জিলা উপায়ুক্তক দুৰ্ব্যৱহাৰ কৰাৰ অভিযোগত প্ৰেপ্তাৰ কৰা হয় যুৱকজনক ৷

কৰিমগঞ্জ, 25 জুলাই : শুকুৰবাৰে কৰিমগঞ্জৰ পাথাৰকান্দিৰ জিলা প্ৰশাসকৰ সৈতে কৰা অভব্য আচৰণৰ অভিযোগত প্ৰেপ্তাৰ হয় এজন যুৱক ৷

অভিযোগ অনুসৰি, পাথাৰকান্দিৰ দেবাশিস সিন্হা নামৰ এজন যুৱকক কৰিমগঞ্জৰ অতিৰিক্ত জিলা উপায়ুক্ত ৰঞ্জিত কুমাৰ লস্কৰে অন্য জিলালৈ যাবলৈ অনুমতি প্ৰদান কৰা নাছিল । চৰকাৰী নিৰ্দেশনা মতে, এই সময়ছোৱাত কোনো লোককে জিলাৰ বাহিৰলৈ যাবলৈ অনুমতি প্ৰদান কৰা হোৱা নাই ৷

গতিকে, দেবাশিস সিন্হাক প্ৰশাসনে জিলাৰ বাহিৰলৈ যাবলৈ অনুমতি প্ৰদান নকৰাত যুৱকজনে অতিৰিক্ত জিলা উপায়ুক্তৰ বিৰুদ্ধে ক্ষুব্ধ হৈ পৰে আৰু অতিৰিক্ত জিলা উপায়ুক্ত গৰাকীক দুৰ্ব্যৱহাৰ কৰে ৷ ইয়াৰ পাচতে অতিৰিক্ত জিলা উপায়ুক্তৰ কাৰ্যালয়ৰ সুৰক্ষাৰ দায়িত্বত থকা নিৰাপত্তাৰক্ষীয়ে যুৱকজনক প্ৰেপ্তাৰ কৰি কৰিমগঞ্জ আৰক্ষীৰ হাতত গতাই দিয়ে ৷

লগতে পঢ়ক : ড্ৰ'ন ব্যৱহাৰৰ জৰিয়তে অধিক শক্তিশালী হ'ব বন্যপ্ৰাণীৰ সুৰক্ষা ব্যৱস্থা