কৰিমগঞ্জত ইৰাণী গ্ৰুপৰ সন্ত্ৰাস

নগাঁও যোৰহাটৰ পাছত কৰিমগঞ্জত এইবাৰ ইৰাণী গ্ৰুপৰ আতংক | চোৰৰ মহিলা সদস্যই গ্ৰাহকৰ বেশত ক্ৰেতা মহিলাৰ বেগৰ পৰা চোৰ কৰিলে টকাৰ বেগ | চিচিটিভি কেমেৰাত বন্দী সমগ্ৰ ঘটনা ৷

কৰিমগঞ্জ, 15 ছেপ্তেম্বৰঃ কৰিমগঞ্জ চহৰৰ মদন মোহন ৰোডৰ এখন বাচন-বৰ্তনৰ দোকানত কৰিমগঞ্জত দিন দুপৰতে সংঘটিত এক চুৰি কাণ্ডই ব্যাপক চাঞ্চল্যকৰ সৃষ্টি কৰিছে । ইৰাণী গ্ৰুপৰ কায়দাৰে একদল মহিলা দুৰ্বৃত্তৰ দলে আন এগৰাকী মহিলাৰ বেগৰ পৰা ১৫ হেজাৰ টকা চুৰি কৰি উধাও হয় । ঘটনা অনুসৰি গীতা দেৱী নামৰ এগৰাকী মহিলাই পূজা সামগ্ৰী ক্ৰয় কৰিবলৈ এখন বাচনৰ দোকানত উপস্থিত হৈছিল । প্ৰতিষ্ঠানটোত মহিলাগৰাকীয়ে সামগ্ৰী ক্ৰয়ত ব্যস্ত হৈ থকাৰ সুযোগত একদল দুৰ্বৃত্তই মহিলাগৰাকীৰ বেগৰ পৰা চোৰ কৰি লয় টকাৰ বেগটো । বেগত ১৫ হেজাৰ টকা থকা বুলি ব্যক্ত কৰে মহিলাগৰাকীয়ে ৷ উল্লেখ্য যে উৎসৱৰ বতৰৰ মূহুৰ্তত কৰিমগঞ্জৰ পূৰ্বেও অসমৰ বিভিন্ন ঠাইত কুখ্যাত ইৰাণী গ্ৰুপৰ মহিলা দুৰ্বৃত্তৰ দলে এনেধৰণৰ ঘটনা সংঘটিত কৰি আহিছে ।