জন্মদিনত বিনামূলীয়া স্বাস্থ্য পৰীক্ষা শিবিৰ

কৰিমগঞ্জৰ ঘোড়ামাৰাত এজন লোকে নিজ কন্যাৰ জন্মদিন উপলক্ষে আয়োজন কৰিলে বিনামূলীয়া স্বাস্থ্য পৰীক্ষা শিবিৰ । পূৰ্বৰ পৰাই ৰাইজক এইদৰে সহায় কৰি আহিছে সংবাদিক বিশ্বজিত দাসে ।

বদৰপুৰ, ২৫ জুলাই : সচৰাচৰ মানুহে নিজৰ জন্মদিন কেক কাটি অথবা বন্ধুৰ স’তে ৰেষ্টুৰেন্টত গৈ পালন কৰে কিন্তু নিজৰ কণমাণি ছোৱালী ঐক্যতানৰ জন্মদিন ব্যতিক্ৰমী ৰূপত পালন কৰি সকলোৰে বাবে এক উদাহৰণ হৈ পৰিছে কৰিমগঞ্জৰ সংবাদিক বিশ্বজিত দাসে । বুধবাৰে তেওঁ জন্মদিন উপলক্ষে নিজৰ ঘৰতে আয়োজন কৰে এক বিনামূলীয়া স্বাস্থ্য পৰীক্ষা শিবিৰৰ । স্বাস্থ্য পৰীক্ষা কৰিবলৈ অহা ৰাইজে এনে অভিনৱ কামৰ বাবে সংবাদিক জনক ধন্যবাদ জনোৱাৰ লগতে তেওঁৰ জী ঐক্যতান ৰ সুস্বাস্থ্য কামনা কৰিলে ।