" ল্যাণ্ডপোৰ্ট অথোৰিটি"ৰ ভূমি কেলেংকাৰিত আটক চক্ৰ বিষয়া হোমেন গোঁহাই বৰুৱা

ঘটনা সন্দৰ্ভত ভাৰত বাংলাদেশ সীমান্তৰ সুতাৰকান্দিত আন্তৰ্জাতিক বন্দৰ বনোৱাৰ বাবে কেন্দ্ৰীয় চৰকাৰে কেইবা কোটি টকা আবন্টন দিছিল লগতে বন্দৰ বনোৱাৰ বাবে ৬ কোটি ৬০ লক্ষ টকাৰ মাটি অধিগ্ৰহণ কৰা হৈছিল।

কৰিমগঞ্জ, 24 জুনঃ "ল্যাণ্ডপোৰ্ট অথোৰিটি"ৰ ভূমি কেলেংকাৰিৰ ঘটনাত সোমবাৰে গ্ৰেপ্তাৰ দেৰগাঁৱৰ চক্ৰ বিষয়া হোমেন গোঁহাই বৰুৱা ৷ সুতাৰকান্দিত "ল্যাণ্ডপোৰ্ট অথোৰিটি"ৰ ভূমি অধিগ্ৰহণত ৬ কোটি ৬০ লক্ষ টকাৰ আৰ্থিক কেলেংকাৰিত অভিযুক্ত কৰিমগঞ্জৰ প্ৰাক্তন চক্ৰ বিষয়া হোমেন গোঁহাই বৰুৱা ৷ আৰ্থিক অনিয়মৰ বাবে বিষয়াজনৰ বিৰুদ্ধে 41 টাকৈ গোচৰ ৰুজু হোৱাৰ পিছতে আৰক্ষীয়ে গ্ৰেপ্তাৰ কৰে বিষয়াজনৰ লগতে কাৰ্যালয়টোৰ কৰ্মচাৰী প্ৰনীত নাথ আৰু মিহিৰ ৰঞ্জন মালাকাৰক ৷

ঘটনা সন্দৰ্ভত ভাৰত বাংলাদেশ সীমান্তৰ সুতাৰকান্দিত আন্তৰ্জাতিক বন্দৰ বনোৱাৰ বাবে কেন্দ্ৰীয় চৰকাৰে কেইবা কোটি টকা আবন্টন দিছিল লগতে বন্দৰ বনোৱাৰ বাবে ৬ কোটি ৬০ লক্ষ টকাৰ মাটি অধিগ্ৰহণ কৰা হৈছিল । ভূমিৰ প্ৰকৃত মালিকক ক্ষতিপূৰণ নিদিয়াকৈ চক্ৰবিষয়াৰ কাৰ্যালয়ৰ এচাম কৰ্মীয়ে প্ৰকৃত মালিকৰ নথি পট্টাৰ জালিয়াতি কৰি মাটিখিনি অন্য এজনৰ নামত কৰি কোটি কোটি টকা আত্মসাৎ কৰে ৷ ফলস্বৰূপে কৰিমগঞ্জ আৰক্ষীয়ে চক্ৰবিষয়াৰ কাৰ্যালয়ৰ দুজনকৈ কৰ্মীক ইতিমধ্যে গ্ৰেপ্তাৰ কৰি তদন্ত আৰম্ভ কৰে ৷