কৰিমগঞ্জ,30 মাৰ্চ: মঙলবাৰে অন্ত পৰে ৰাজ্যৰ দ্বিতীয় পৰ্যায়ৰ নিৰ্বাচনী প্ৰচাৰ ৷ কৰিমগঞ্জত দুখনকৈ নিৰ্বাচনী জনসভাত ভাগ ল’লে মুখ্যমন্ত্ৰী সৰ্বানন্দ সোণোৱালে । ৰাতাবাৰী সমষ্টিত দলীয় প্ৰাৰ্থী বিজয় মালাকাৰ আৰু উত্তৰ কৰিমগঞ্জ সমষ্টিত দলীয় প্ৰাৰ্থী ডাঃ মানস দাসৰ হৈ প্ৰচাৰ চলাই মুখ্যমন্ত্ৰী গৰাকীয়ে ।
অৱশ্যে পুৱা 10.30 বজাত ৰাতাবাৰী সমষ্টিৰ অন্তৰ্গত চেৰাগীত সৰ্বানন্দ সোণোৱালৰ নিৰ্বাচনী জনসভা অনুষ্ঠিত হোৱাৰ কথা আছিল ৷ কিন্তু সোমবাৰে নিশা প্ৰচণ্ড ধুমুহা আৰু বৰষুণৰ ফলত সভাস্থলীৰ যথেষ্ট ক্ষতিসাধন হৈছিল । আনকি পুৱাৰে পৰাই যথেষ্ট লোকৰ ভিৰ হৈছিল যদিও বতৰ ডাৱৰীয়া হোৱাৰ বাবে মূখ্যমন্ত্ৰীৰ জনসভা বাতিল কৰিবলগীয়া হয় । অবশেষত সকলো জল্পনা-কল্পনাৰ অন্তত মুখ্যমন্ত্ৰী সৰ্বানন্দ সোণোৱলে ৰাতাবাৰী আৰু উত্তৰ কৰিমগঞ্জ সমষ্টিত দলীয় প্ৰাৰ্থীৰ হৈ জনসভাৰ জৰিয়তে প্ৰচাৰ চলায় ।
লগতে পঢ়ক :এন আৰ চি পুঁজি বন্ধ কৰিলে কেন্দ্ৰই