বনৰীয়া হাতীক চিকিৎসা প্ৰদানেৰে কৰিমগঞ্জবাসীয়ে দাঙি ধৰিলে পশু প্ৰেমৰ নিদৰ্শন

কৰিমগঞ্জবাসীৰ প্ৰশংসনীয় পদক্ষেপ ৷ অসুস্থ হাতীৰ চিকিৎসা প্ৰদান কৰি দাঙি ধৰিলে পশু প্ৰেমৰ নিদৰ্শন ৷

কৰিমগঞ্জ, 3 ডিচেম্বৰ : ৰাজ্যৰ বিভিন্ন প্ৰান্তত হাতী-মানুহৰ সংঘাত অব্যাহত থকাৰ মাজতে কৰিমগঞ্জবাসীয়ে দাঙি ধৰিছে পশু প্ৰেমৰ উৎকৃষ্ট নিদৰ্শন ৷ অঞ্চলটোত দীৰ্ঘদিনৰ পৰাই ত্ৰাসৰ সৃষ্টি কৰা অসুস্থ হাতী এটাক চিকিৎসা প্ৰদান কৰি দাঙি ধৰিলে পশু প্ৰেমৰ নিদৰ্শন ৷

তথ্য অনুসৰি, জিলাখনৰ পাথাৰকান্দি সমষ্টিৰ অন্তৰ্গত ছলগই, লংগাই, হাতিখীৰা, মেদলী আদিকে ধৰি বিভিন্ন চাহ বাগিছাৰ এলেকাত বনৰীয়া হাতীয়ে দীৰ্ঘ দিনৰ পৰাই ত্ৰাসৰ সৃষ্টি কৰি আহিছে ৷ বিগত বছৰৰ দৰে চলিত বৰ্ষতো বনৰীয়া হাতীয়ে অঞ্চলটোত ত্ৰাসৰ সৃষ্টি কৰি আহিছে ৷ অঞ্চলটোত ত্ৰাসৰ সৃষ্টি কৰা হাতীৰ জাকটোৰ মাজৰ পৰা এটা হাতী অসুস্থ হৈ পৰাত অঞ্চলবাসীয়ে হাতীটোৰ চিকিৎসা কৰিবৰ বাবে তদাৰক কৰে ৷

পৰৱৰ্তী সময়ত স্থানীয় ৰাইজে বন বিভাগৰ লোকক খবৰ দিয়ে ৷ বন বিভাগৰ লোক উপস্থিত হৈ হাতীটোৰ প্ৰাথমিক চিকিৎসা কৰি জংঘলত এৰি দিয়ে ৷ হাতী-মানুহৰ সংঘাতৰ মাজতে কৰিমগঞ্জবাসীৰ এই পদক্ষেপ ৰাজ্যৰ অন্য প্ৰান্তৰ মানুহৰ বাবে আদৰ্শ হৈ পৰিছে ৷

লগতে পঢ়ক :কামাখ্যাৰ দোকানৰ পৰা উদ্ধাৰ জন্তুৰ অংগ-পতংগকে ধৰি সাগৰীয় মূল্যবান সামগ্ৰী