ডিফু, ১৭ জুন:কাৰ্বিভূমিত বৃহৎ পৰিমাণৰ অস্ত্ৰ-শস্ত্ৰ উদ্ধাৰ (Arms rescued in Laharijan) ৷ বোকাজান মহকুমাৰ মহকুমা আৰক্ষী বিষয়া জন দাস আৰু খটখটি আৰক্ষী থানাৰ ভাৰপ্ৰাপ্ত আৰক্ষী বিষয়া ৰাজু দুৱৰাৰ এক গোপন খবৰৰ ভিত্তিত শুকুৰবাৰে বিয়লি অসম-নগালেণ্ড সীমাৰ লাহৰিজানৰ টিলাবস্তিৰ পৰা অবৈধ মাৰণাস্ত্ৰসহ দুই যুৱকক আটক কৰিবলৈ সক্ষম হয় আৰক্ষী (Two persons apprehended with arms)।
বৃহৎ পৰিমাণৰ অস্ত্ৰ-শস্ত্ৰসহ বোকাজানত আৰক্ষীৰ জালত দুই যুৱক
আৰক্ষীৰ জালত পৰা এই যুৱক দুজন হৈছে ক্ৰমে কাছাৰৰ কাবিল উদ্দিন লস্কৰ আৰু দৰঙৰ মাণিক আলি । ধৃত যুৱক দুজনৰ পৰা আৰক্ষীয়ে এটা থ্ৰী নট থ্ৰী ৰাইফল, এটা ডি বি বি এল ৰাইফল, এটা স্কোপ, পইন্ট থ্ৰী নট থ্ৰী ৰাইফলৰ ৩৪ জাঁই সক্ৰিয় গুলী, পইন্ট 22 পিস্তলৰ ৭ জাঁই সক্ৰিয় গুলী, ৪৭ জাঁই বিভিন্ন বন্দুকৰ গুলী উদ্ধাৰ কৰিবলৈ সক্ষম হয় (Arms smuggling in Assam Nagaland border)।