ডিফু, 23 আগষ্ট : মুখ্যমন্ত্ৰীৰ উপস্থিতিত ডিফুত দুদিনীয়া কাৰ্যসূচীৰে ৰাজ্যৰ উপায়ুক্তসকলৰ সন্মিলন চলি থকাৰ সময়তে বেংক অৱ ইণ্ডিয়াৰ ডিফু শাখাত সংঘটিত হৈছে এক ভয়ংকৰ ঘটনা ৷ খিৰিকিৰ গ্ৰীল ভাঙি দুৰ্বৃত্তই ধন উলিয়াই নিয়াৰ বাবে কৰিলে প্ৰচেষ্টা ৷ ইফালে বেংক অৱ ইণ্ডিয়াৰ কৰ্তৃপক্ষই জানিবলৈ দিয়া মতে, CDM ভাঙি দুৰ্বৃত্তই ধন চুৰিৰ চেষ্টা চলাইছিল যদিও নিব নোৱাৰিলে ধন ৷
প্ৰাপ্ত তথ্য অনুসৰি, সোমবাৰে পুৱতি নিশা প্ৰায় 2ৰ পৰা 3 বজাৰ ভিতৰত এই চুৰিকাণ্ড সংঘটিত হয় ৷ বেংকৰ চিচিটিভি কেমেৰাত আৱদ্ধ দৃশ্যত বেংকৰ পিছফালৰ খিৰিকিৰ গ্ৰীল ভাঙি চোৰটোৱে প্ৰৱেশ কৰা দেখিবলৈ পোৱা গৈছে ৷ বেংকত প্ৰৱেশ কৰাৰ পাচতে চোৰটোৱে বেংকৰ ভিতৰত থকা CDM ভাঙি ধন উলিয়াই নিয়াৰ অপচেষ্টা কৰে ৷
কৌশলগতভাৱে ধন ৰখাৰ বাবে ব্যৰ্থ হয় চোৰৰ অপচেষ্টা
লগতে পঢ়ক :ছাগলী চোৰৰ বৃত্তিত অৱসৰ প্ৰাপ্ত সেনা জোৱান