বোকাজানত ভয়ংকৰ হত্যাকাণ্ড

বোকাজান আৰক্ষী থানাৰ অন্তৰ্গত সৰিয়হজানৰ গুৱাহাটীয়া গাঁৱত এগৰাকী বৃদ্ধা আৰু এটি শিশুক হত্যা কৰে কোনো দুৰ্বৃত্তই ।

বোকাজান,১৬জুলাই : সোমবাৰে বোকাজানৰ আৰক্ষী থানাৰ অন্তৰ্গত সৰিয়হজানৰ গুৱাহাটীয়া গাঁৱত সংঘটিত হয় ভয়ংকৰ হত্যাকাণ্ড । এগৰাকী বৃদ্ধা আৰু এটি শিশুক চোকা অস্ত্ৰৰে হানি-খুঁচি হত্যা কৰে কোনো দুৰ্বৃত্তই । স্থানীয় লোকে ঘৰটোৰ গৰাকী মঞ্জু ছিং আৰু নাতি ল’ৰা চন্দন দাসক ঘৰত নেদেখি ফোন কৰিছিল যদিও কোনো উত্তৰ নোপোৱাত তেওঁলোকৰ আত্মীয়ক খবৰ দিয়ে । মঙলবাৰে ঘৰটোত আত্মীয় আহি উপস্থিত হোৱাত সমগ্ৰ ঘটনা পোহৰলৈ আহে । ঘটনাস্থলীত বোকাজান আৰক্ষী উপস্থিত হৈ তদন্ত অব্যাহত ৰাখিছে। বৰ্তমানেও হত্যাৰ কাৰণ জানিব পৰা হোৱা নাই ।