ডিফু ৰেল ষ্টেচনৰ শোভাবৰ্ধনৰ বাবে ৰেলমন্ত্ৰীলৈ স্মাৰকপত্ৰ প্ৰেৰণ

ডিফু ৰেল ষ্টেচনৰ শোভাবৰ্ধন আৰু শেহতীয়া আৰ্হিৰ তথ্য-প্ৰযুক্তিসম্পন্ন ৰেল ষ্টেচন হিচাপে গঢ়ি তুলিবলৈ কেন্দ্ৰীয় ৰেল মন্ত্ৰীলৈ স্মাৰক-পত্ৰ প্ৰেৰণ কৰে সাংসদ হৰেণসিং বেৰ ৷

ডিফু, 30 জুলাইঃ ডিফু ৰেল ষ্টেচনক বিশ্বমানৰ ৰেল ষ্টেচন হিচাপে গঢ়ি তোলাৰ বাবে কেন্দ্ৰীয় ৰেল মন্ত্ৰীলৈ স্মাৰক-পত্ৰ প্ৰেৰণ কৰিলে সাংসদ হৰেণসিং বে'ই ৷ সোমবাৰে নতুন দিল্লীত কেন্দ্ৰীয় ৰেলমন্ত্ৰী পীযুষ গোৱেলক সাক্ষাৎ কৰি স্মাৰক-পত্ৰখন প্ৰদান কৰে সাংসদগৰাকীয়ে ৷

কেন্দ্ৰীয় ৰেল মন্ত্ৰী পীযুষ গোৱেলৰ সৈতে সাংসদ হৰেনসিং বে

অতিকৈ শোচনীয় অৱস্থাত থকা পাহাৰীয়া ডিফু ৰেল ষ্টেচনটোক বিশ্বমানৰ প্ৰযুক্তিৰে উন্নীত কৰা, ষ্টেচনৰ শোভাবৰ্ধনৰ বাবে ব্যৱস্থা গ্ৰহণ কৰাৰ লগতে সকলো শ্ৰেণীৰ যাত্ৰীৰ বাবে অপেক্ষা গৃহ নিৰ্মাণৰ কথা উল্লেখ কৰে সাংসদগৰাকীয়ে ৷