Man commit suicide in Karbi Anglong: খটখটীত উদ্ধাৰ পত্নীহন্তা স্বামীৰ মৃতদেহ

কাৰ্বি আংলঙত পুনৰ এক চাঞ্চল্যকৰ আত্মহননৰ ঘটনা পোহৰলৈ আহিছে ৷ খটখটি আৰক্ষী চকীৰ অন্তৰ্গত লংখ্ৰাং গাঁৱত চিপ লৈ থকা অৱস্থাত উদ্ধাৰ হৈছে কৃষ্ণা ৰাজগড় নামক এজন লোকৰ মৃতদেহ (Man commit suicide in Karbi Anglong) ৷ জানিব পৰা মতে, কৃষ্ণা ৰাজগড়ে দুদিন পূৰ্বে নিজ পত্নীক হত্যা কৰি পলায়ন কৰিছিল সেই স্থানৰ পৰা ৷

ডিফু, ২৬ ফেব্ৰুৱাৰী : পুনৰ কাৰ্বি আংলঙত অঘটন ৷ কাৰ্বি আংলং জিলাৰ খটখটি আৰক্ষী চকীৰ অন্তৰ্গত লংখ্ৰাং গাঁৱত পত্নীহন্তা স্বামীয়ে কৰিলে আত্মহনন (Man killed his wife and hanged himself) ৷ ঘটনাক কেন্দ্ৰ কৰি সমগ্ৰ অঞ্চলটোত সৃষ্টি হৈছে তীব্ৰ চাঞ্চল্য ৷

ঘটনাৰ বিৱৰণি অনুসৰি, লংখ্ৰাং গাঁৱত দুদিন পূৰ্বে অৰ্থাৎ 24 ফেব্ৰুৱাৰীৰ দিনা নিজ পত্নীক দাৰে ডিঙি কাটি হত্যা কৰে কৃষ্ণা ৰাজগড় নামৰ এজন লোকে (Sensational murder in Karbi Anglong) ৷ এই ঘটনা সংঘটিত কৰিয়েই সেই স্থানৰ পৰা পলায়ন কৰিছিল অভিযুক্ত কৃষ্ণা ৰাজগড়ে ৷

কিন্তু শনিবাৰে পুৱাই লংখ্ৰাং গাঁৱত পুনৰ সংঘটিত হয় আন এক অঘটন ৷

অভিযুক্ত কৃষ্ণা ৰাজগড়ক একেখন গাঁৱৰে এজন লোকৰ ঘৰৰ ভঁৰালত ডিঙিত চিপ লৈ থকা অৱস্থাত প্ৰত্যক্ষ কৰে গাঁৱৰ লোকে ৷ পৰৱৰ্তী সময়ত ঘটনা সন্দৰ্ভত অৱগত কৰা হয় খটখটি আৰক্ষীক ৷ আৰক্ষীয়ে মৃতদেহটো উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰে ডিফুলৈ ৷ উল্লেখ্য যে, এই ঘটনা সন্দৰ্ভত খটখটী আৰক্ষীয়ে অব্যাহত ৰাখিছে তদন্ত ৷

লগতে পঢ়ক :Sensational murder at Diphu: বিড়ি নিদিয়াৰ বাবেই প্ৰাণ ললে পিটলিৰ