তিনিমাহে দৰমহাৰ পৰা বঞ্চিত কাৰ্বি আংলঙৰ চৰকাৰী কৰ্মচাৰী

তিনিমাহে দৰমহাৰ পৰা বঞ্চিত কাৰ্বি আংলঙৰ চৰকাৰী কৰ্মচাৰী ৷ কাৰ্বি পৰিষদৰ প্ৰধান সচিবলৈ স্মাৰক পত্ৰ প্ৰেৰণ ৷ অনলাইন বা অফলাইন, যিকোনো পদ্ধতিতেই হওক শীঘ্ৰে কৰ্মাচাৰী সকলৰ দৰমহা মোকলাই দিয়াৰ আহ্বান কৰ্মচাৰী সকলৰ ৷

ডিফু, ২৪ জুলাইঃ ৰাজ্য চৰকাৰ আৰু কাৰ্বি আংলং স্বায়ত্ত শাসিত পৰিষদৰ মাজত সৃষ্টি হোৱা অনলাইন-অফলাইন সমস্যাৰ বাবেই অৰ্থ সংকটত ভুগিছে বিগত তিনিমাহৰ পৰা দৰমহা বঞ্চিত কৰ্মচাৰীসকল ৷ কাৰ্বি আংলং স্বায়ত্ত শাসিত পৰিষদৰ অধীনস্থ বিভিন্ন বিভাগৰ কৰ্মচাৰীসকলে বুধবাৰে পৰিষদৰ প্ৰধান সচিবক এক স্মাৰক পত্ৰ অৰ্পণ কৰি অতিশীঘ্ৰে অনাদায় দৰমহা মুকলি কৰি দিবলৈ আহ্বান জনায় ৷ লগতে বুধবাৰে পৰিষদৰ সচিবালয়ত কৰ্মচাৰীসকলে মুখ্য কাৰ্যবাহী সদস্য তুলিৰাম ৰংহাঙক এই সন্দৰ্ভত অৱগত কৰে ৷ উল্লেখ্য যে মুখ্য কীৰ্যবাহী সদস্য গৰাকীয়ে অহা আগষ্ট মাহৰ ভিতৰত কৰ্মচাৰী সকলৰ সমস্যা সমাধান কৰাৰ আশ্বাস প্ৰদান কৰাৰ কথা কৰ্মচাৰীসকলে সংবাদ মাধ্যমৰ আগত ব্যক্ত কৰে ৷