ডিফু,১৯ জানুবাৰী : কাৰ্বি-আংলং জিলাৰ তথ্য আৰু জনসংযোগ বিভাগৰ উদ্যোগত মঙলবাৰে এক উপহাৰ বিতৰন অনুষ্ঠানৰ আয়োজন কৰা হয় ৷ এই অনুষ্ঠানৰ জৰিয়তে মুখ্যমন্ত্ৰী সৰ্বানন্দ সোণোৱালে অসমৰ সংবাদিক সকললৈ প্ৰেৰণ কৰা নৱবৰ্ষৰ উপহাৰ প্ৰদান কৰা হয় ৷ কাৰ্বি-আংলং জিলাৰ তথ্য আৰু জনসংযোগ বিভাগৰ কার্যালয়ত অনুষ্ঠিত এই সভাত কাৰ্বিআংলং আৰু পশ্চিম কাৰ্বিআংলং জিলাৰ সাংবাদিক সকলৰ মাজতো উপহাৰ বিতৰণ কৰা হয় ৷
জিলা তথ্য আৰু জনসংযোগ বিষয়া উৎপল ডিমাছাই আঁত ধৰা এই অনুষ্ঠানত মুখ্য অতিথি হিচাপে উপস্থিত থাকে, কাৰ্বিআংলং স্বায়ত্ত শাসিত পৰিষদৰ তথ্য আৰু জনসংযোগ বিভাগৰ ভাৰপ্ৰাপ্ত কার্যবাহী সদস্য কূপছিং টেৰণ ৷