ৰঙিয়া, 4 ছেপ্টেম্বৰ : ৰঙিয়াত সেনাবাহিনীৰ স্বৰ্ণিম বিজয় অগ্নিশিখাক উষ্ম আদৰণি । 1971 চনত পাকিস্তানৰ বিৰুদ্ধে ভাৰতে জয়লাভ কৰা 50 বছৰ সম্পূৰ্ণ হোৱা উপলক্ষে এই স্বৰ্ণিম বিজয় অগ্নিশিখা যাত্ৰা উলিওৱা হৈছে । বিগত বছৰৰ 16 ডিচেম্বৰত দেশৰ প্ৰধানমন্ত্ৰী নৰেন্দ্ৰ মোডীয়ে দিল্লীৰ ৰাষ্ট্ৰীয় যুদ্ধ স্মাৰকৰ পৰা এই স্বৰ্ণিম বিজয় অগ্নিশিখাৰ যাত্ৰাৰ শুভাৰম্ভণি কৰিছিল ৷
ৰঙিয়াত সেনাবাহিনীৰ স্বৰ্ণিম বিজয় অগ্নিশিখাক উষ্ম আদৰণি
পাকিস্তানৰ বিৰুদ্ধে যুদ্ধত জয়লাভ কৰাৰ সোনালী জয়ন্তী বৰ্ষ হিচাপে সমগ্ৰ দেশতে এই অগ্নিশিখা কঢ়িয়াই নিয়া হ'ব । শনিবাৰে সেনাবাহিনীৰ এটা দলে এই অগ্নিশিখা কঢ়িয়াই অনাৰ সময়ত শতাধিক ছাত্ৰ-ছাত্ৰীৰ লগতে স্থানীয় ৰাইজে ৰঙিয়াৰ তুলসীবাৰীত 'ভাৰত মাতা কি জয়' ধ্বনিৰে ৰাজপথ মুখৰিত কৰি তোলে। সেনাবাহিনীৰ লোকসকলে উক্ত স্থানত ক্ষন্তেক সময় ৰৈ ছাত্ৰ-ছাত্ৰীসকলৰ হাতে হাতে জাতীয় পতাকা প্ৰদান কৰে ৷