বিয়লি 5 বজাৰ শীৰ্ষ 10 বাতৰি

বিয়লি 5 বজাৰ শীৰ্ষ 10 বাতৰি

তালিবানলৈ সমৰ্থন মন্তব্য কৰি শনিবাৰে অসম আৰক্ষীৰ হাতত গ্ৰেপ্তাৰ হ'ল 14 জনকৈ লোক ৷ এই সন্দৰ্ভত প্ৰতিক্ৰিয়া ব্যক্ত কৰিছে জ্যেষ্ঠ বিজেপি নেতা মমিনুল আৱালে । অসমৰ একাংশ ইছলামধৰ্মী লোকৰ মন-মগজু এতিয়াও তালিবানী চিন্তাৰে সংপৃক্ত বুলি মন্তব্য আৱালৰ ৷

আধুনিকতাৰ লগতে নৈতিক আৰু সামাজিক মূল্যবোধেৰে সমাজখন নকৈ গঢ়ি তোলাৰ লক্ষ্যৰে শ্ৰীশ্ৰী আউনীআটী সত্ৰই এখন বিশ্বমুখী বিশ্ববিদ্যালয় স্থাপনৰ যো-জা চলাইছে‌ ৷ ভাৰত চৰকাৰৰ নতুন শিক্ষা নীতিৰ আধাৰত ঐতিহ্য আৰু আধুনিকতাৰ দৃষ্টিৰে সত্ৰই স্থাপন কৰিবলৈ লৈছে আউনীআটী বিশ্ববিদ্যালয় ৷

পহীহাটৰ বেলুগুৰিত শিক্ষামন্ত্ৰী ৰণোজ পেগুৱে শনিবাৰে 2 কোটি টকা ব্যয় সাপেক্ষে WPT ৰ অধীনত এটি জনজাতীয় প্ৰেক্ষাগৃহৰ আধাৰশিলাৰ উদ্বোধন কৰে ৷ উক্ত অনুষ্ঠানত ৰূপহীহাটৰ বড়ো লোকসকলে শিক্ষামন্ত্ৰীক জনজাতীয় পৰম্পৰাৰে ব্যাপক আদৰণি জনায় ৷

নগাঁও জিলাৰ ৰূপহী শিক্ষাখণ্ডৰ অন্তৰ্গত কনুৱামাৰী বি চি দাস মাধ্যমিক বিদ্যালয়ত শুকুৰবাৰে নিশা সান্ধ্য আইন উলংঘন কৰি নৈশ ভোজৰ আয়োজন কৰাক কেন্দ্ৰ কৰি সৃষ্টি হৈছিল এক উত্তপ্ত পৰিস্থিতিৰ । খোদ শিক্ষা বিষয়াৰ এনে কাণ্ডত লজ্জানত হৈছিল শৈক্ষিক মহল ।

শনিবাৰে নিশা চিকিৎসাধীন অৱস্থাতে শেষ নিশ্বাস ত্যাগ কৰে উত্তৰ প্ৰদেশৰ প্ৰাক্তন মুখ্যমন্ত্ৰী কল্যাণ সিঙে (Kalyan Sing) ৷ কল্যাণ সিঙক শ্ৰদ্ধাঞ্জলি জ্ঞাপনৰ উদ্দেশ্য লক্ষ্ণৌলৈ ৰাওনা প্ৰধানমন্ত্ৰীৰ লগতে বহুকেইগৰাকী আৰ এছ এছ (RSS) নেতা ৷

তালিবানৰ নিয়ন্ত্ৰণত আফগানিস্তান । ইতিমধ্যে ভয় আৰু শংকাত আফগানিস্তানৰ পৰা পলায়ন কৰিছে বহু আফগান নাগৰিকে । তেনে সময়তে কেৰালা আৰক্ষীৰ জালত এগৰাকী আফগান নাগৰিক । কিন্তু ৰহস্যজনকভাৱে লোকজনৰ পৰা আৰক্ষীয়ে উদ্ধাৰ কৰিছে অসমৰ আধাৰ কাৰ্ড ।

এইবাৰ কলকাতাৰ বজাৰ দখল কৰিছে ‘দিদি ৰাখী’ আৰু ‘মোডী ৰাখী’য়ে ৷ ‘আজাদী কা অমৃত মহোৎসৱ’ৰ সৈতে সংগতি ৰাখি বজাৰত উপলব্ধ হৈছে ত্ৰিৰংগা ৰাখী ৷

ৰাজ্যখনত বিগত ২৪ ঘণ্টাত তুনকৈ ৬৪০ গৰাকী লোক ক'ভিডত আক্ৰান্ত হোৱাৰ বিপৰীতে ১৫ গৰাকীৰ মৃত্যু হয় । সংক্ৰমণৰ হাৰ ০.৭৭ শতাংশ । মহানগৰ জিলাত ১২৬ গৰাকী লোক নতুনকৈ আক্ৰান্ত । কামৰূপ মহানগৰ জিলাত ১,৩৫২ গৰাকী লোক কৰ'ণাত আক্ৰান্ত হৈছে ৷

তৃণমূল পৰ্যায়ৰ আৰএছএছ কৰ্মীৰ পৰা ৰাজ্যপালৰ পদবীত অধিষ্ঠিত হোৱালৈকে কল্যাণ সিঙে কৰিবলগা হৈছিল কঠোৰ পৰিশ্ৰম তথা অধ্যৱসায় ৷ কঠোৰ অধ্যৱসায়ৰ বাবেই 1932 চনৰ 5 জানুৱাৰীত উত্তৰ প্ৰদেশৰ আলীগড়ত এটি সাধাৰণ কৃষক পৰিয়ালত জন্মগ্ৰহণ কৰা কল্যাণ সিং ৰাজ্যপালৰ পদত পদত অধিষ্ঠিত হ'বলৈ সক্ষম হৈছিল ৷

জনপ্ৰিয় অডিঅ' মেছজিং এপ ক্লাব হাউচে সুৰক্ষাজনিত কাৰণত গ্ৰহণ কৰিছে এই পদক্ষেপ । আফগানিস্তানৰ ব্যৱহাৰকাৰীসকলক বিশেষ নিৰ্দেশনাযোগে সকীয়াই দিছে ক্লাব হাউচে ।