কলিয়াবৰত হাতীৰ আক্ৰমণত নিহত এজন
নগাঁৱৰ কলিয়াবৰত বনৰীয়া হাতীৰ আক্ৰমণত নিহত মনৰূপ মল্লিক নামৰ এজন যুৱক । শুকুৰবাৰে বৰভগীয়া গাঁৱত সংঘটিত হয় এই শোকাৱহ ঘটনাটো ।
ৰহাত ব্যাপক প্ৰচাৰ এজেপিৰ প্ৰাৰ্থী উৎপল বণিয়াৰ
৭ গৰাকী প্ৰাৰ্থীয়ে প্ৰতিদ্বন্দ্বিতা আগবঢ়োৱা ৰহা সমষ্টিত তুংগত উঠিছে নিৰ্বাচনী প্ৰচাৰ ৷ যিয়ে যেনেকৈ পাৰে, ভোটাৰক আকৰ্ষণ কৰাৰ চেষ্টা চলাইছে ৷ বৃদ্ধজনৰ আশীষ লৈ ভোটাৰৰ মন জয় কৰাৰ চেষ্টা অসম জাতীয় পৰিষদৰ প্ৰাৰ্থী উৎপল বণিয়াৰ ৷
মুখ্যমন্ত্ৰীক ফল’ কৰে লুৰিণে: ৰামেশ্বৰ তেলী
আছুৰ পৰা সৰ্বানন্দও আহিছে, লুৰিণো আহিছে । সৰ্বানন্দ সোণোৱালে দৰিদ্ৰ পৰিয়ালৰ ঘৰত গৈ ভাত খাইছিল । তাকে অনুকৰণ কৰি অসম জাতীয় পৰিষদৰ সভাপতি লুৰিণে দৰিদ্ৰ পৰিয়ালৰ ঘৰত গৈ ভাত খাইছে । নাহৰকটীয়া সমষ্টিত অনুষ্ঠিত বিজেপি দলৰ যোগদান কাৰ্যসূচীত উপস্থিত থাকি কেন্দ্ৰীয় ৰাজ্যিক মন্ত্ৰী ৰামেশ্বৰ তেলীয়ে উল্লেখ কৰে এই কথা ৷
কামৰূপ আৰক্ষীৰ জালত দুৰ্ধৰ্ষ ডকাইত
নিৰ্বাচনৰ প্ৰাক মুহুৰ্তত কামৰূপ আৰক্ষীয়ে এক অভিযান চলাই দুটা পিষ্টলসহ ৬০ জাই সক্ৰিয় গুলী জব্দ কৰে ৷ লগতে চানফুল আলী নামৰ এজন ডকাইতক আটক কৰে ৷
কংগ্ৰেছ ত্যাগ প্ৰাক্তন মন্ত্ৰী গৌতম বৰাৰ
প্ৰাৰ্থিত্বৰ পৰা বঞ্চিত হৈ কংগ্ৰেছ ত্যাগ কৰিলে গৌতম বৰাই । অচিৰেই বিজেপিত যোগদানৰ সম্ভাৱনা । প্ৰাৰ্থিত্বৰ পৰা বঞ্চিত হোৱাৰ পিছতেই নিজৰ কেইজনমান সমৰ্থকক লগত লৈ কংগ্ৰেছ ত্যাগ কৰিলে বটদ্ৰৱা সমষ্টিৰ প্ৰাক্তন বিধায়ক তথা প্ৰাক্তন মন্ত্ৰী গৌতম বৰাই । শনিবাৰে এক সংবাদমেল আয়োজন কৰি দলত্যাগৰ কথা ঘোষণা কৰিলে কংগ্ৰেছৰ প্ৰাক্তন মন্ত্ৰী গৰাকীয়ে ।