চাংসাৰিত চোৰৰ তাণ্ডৱ

চাংসাৰিৰ ৩১ নং ৰাষ্ট্ৰীয় ঘাইপথৰ দাঁতিত ৰখাই থোৱা ট্ৰাকত চোৰে চলালে অভিযান ৷ বিশ্বনাথ জিলাৰ হেলেম চাহ বাগিচাৰ পৰা আমিন গাঁৱৰ আই চি টি লৈ আহি আছিল AS-01LC-3217 চাহপাত ভৰ্তি ট্ৰাকখন ।

কামৰূপ,25 ডিচেম্বৰ :কামৰূপৰ চাংসাৰিত চোৰৰ তাণ্ডৱ। মঙলবাৰে নিশা ৰখাই থোৱা গাড়ীত চোৰে চলালে অভিযান । বিশ্বনাথ জিলাৰ হেলেম চাহ বাগিচাৰ পৰা আমিন গাঁৱৰ আই চি টি লৈ আহি আছিল AS-01LC-3217 চাহপাত ভৰ্তি ট্ৰাকখন। যান্ত্ৰিক বিজুতি ঘটাত চাংসাৰিৰ ৩১ নং ৰাষ্ট্ৰীয় ঘাইপথৰ দাঁতিত চালকে ৰখাই থয় ট্ৰাকখন । চালকজন টোপনি যোৱাৰ সময়তে চোৰে গাড়ীৰ ট্ৰিপাল ফালি চুৰি কৰি নিয়ে কেইবাটাও চাহপাতৰ বেগ।

ট্ৰাক চালকে পুৱা চাহপাতৰ বেগ চুৰি হোৱা দেখি চাংসাৰি আৰক্ষী থানাত ঘটনা সম্পৰ্কে অৱগত কৰে। আৰক্ষীয়ে ঘটনাৰ অনুসন্ধান কৰি চাংসাৰিৰে পিলো নামৰ ব্যক্তিজনৰ ঘৰৰ পৰা কেইবাটাও চাহপাতৰ বেগ উদ্ধাৰ কৰিবলৈ সক্ষম হয়। বৰ্তমান পলাতক অৱস্থাত আছে পিলো নামৰ ব্যক্তিজন।

আৰু পঢ়ক : কামৰূপত চাঞ্চল্যকৰ ডকাইতি: দুৰ্বৃত্তৰ দলে লুটিলে 5 লাখ