দক্ষিণ কামৰূপৰ বৰিহাটত অজগৰ উদ্ধাৰ

ৰাণী বনবিভাগৰ লোক উপস্থিত হৈ স্থানীয় ৰাইজৰ সহযোগত উদ্ধাৰ কৰে অজগৰডাল ।

কামৰূপ, 11 এপ্ৰিলঃ দক্ষিণ কামৰূপৰ বৰিহাটত উদ্ধাৰ কৰা হৈছে অজগৰ ৷ বৰিহাটৰ দৎকুছিৰ কিৰণ কলিতা নামৰ লোকজনৰ ঘৰত উদ্ধাৰ কৰা হয় অজগৰ ডাল ৷ লোকজনৰ ঘৰত পৰিয়ালৰ লোকে কাম কৰি থকা অৱস্থাত প্ৰত্যক্ষ কৰে অজগৰ ডাল ৷ পিছত স্থানীয় ৰাইজে ৰাণী বনবিভাগক খবৰ দিয়াত বনবিভাগৰ লোক উপস্থিত হৈ স্থানীয় ৰাইজৰ সহযোগত অজগৰ ডাল উদ্ধাৰ কৰি ৰাণী বনাঞ্চলিক কাৰ্যলয়লৈ লয় যায় ।

উল্লেখ্য যে, চোৰাং কাঠ বেপাৰীয়ে বনাঞ্চল ধংস কৰি অহাৰ ফলতে এইদৰে এতিয়া অজগৰ খাদ্যৰ সন্ধানত জনাঞ্চললৈ সঘনাই নামি অহা দেখিবলৈ পোৱা যায় ৷