ছয়গাঁও,৩০ জুনঃ শনিবাৰে সন্ধিয়া ছয়গাঁও শ্ৰীমন্তশঙ্কৰদেৱ কলা কৃষ্টি বিকাশ কেন্দ্ৰত ছয়গাঁও শিল্পী সমাজৰ উদ্যোগত আয়োজিত ৰীমা দাসৰে মুখামুখি অনুষ্ঠানত এই কথা প্ৰকাশ কৰে ৰীমা দাসে ৷ অনুষ্ঠানত অস্কাৰৰ দৌৰলৈ অগ্ৰসৰ হোৱা ৰীমা দাসৰ ভিলেজ ৰকষ্টাৰ্ছৰ সহজ সৰল কাহিনী ৰাইজে আদৰি লোৱাত অনপ্ৰাণিত হৈয়েই তেওঁ চিনেমাখনৰ পাৰ্ট -টু নিৰ্মাণ কৰাৰ বাবে অনুপ্ৰেৰণা পোৱা বুলি উল্লেখ কৰে ৷ আনহাতে মনোৰঞ্জনধৰ্মী চিনেমাৰ সলনি ক্ৰীড়া আৰু সাংস্কৃতিক বিষয়ৰ ওপৰতহে চিনেমা নিৰ্মাণ কৰাৰ বাবে আগ্ৰহী বুলিহে ৰীমা দাসে প্ৰকাশ কৰে ৷
ভিলেজ ৰকষ্টাৰ্ছৰ পিছত এইবাৰ ভিলেজ ৰকষ্টাৰ্ছ পাৰ্ট-টু ভৱিষ্যতে ৰীমা দাসে গাঁৱলীয়া পটভূমিৰ লগতে ক্ৰীড়া আৰু সাংস্কৃতিক দিশৰ ওপৰতহে চিনেমা নিৰ্মাণ কৰিব বুলি মুখামুখি অনুষ্ঠানত প্ৰকাশ কৰে ৷ৰীমা দাসে বিশেষকৈ এখন সংগীতধৰ্মী চিনেমা নিৰ্মাণৰো আশা প্ৰকাশ কৰে । আনহাতে অসম চৰকাৰে 'পূৰ্ণ চন্দ্ৰা' নামৰ চিনেমাখন ৰীমা দাসক নিৰ্মাণ কৰাৰ বাবে দায়িত্ব অৰ্পণ কৰাৰ বাবে তেওঁ অসম চৰকাৰক ধন্যবাদ জ্ঞাপন কৰে ৷ ইফালে অস্কাৰৰ দৌৰৰ পৰা আঁতৰি অহা ৰীমা দাসে দুখ প্ৰকাশ কৰি কয় যে ভাৰতবৰ্ষত কামৰ প্ৰচাৰবোৰ বহু পলমকৈ হয় আৰু যাৰ বাবে অস্কাৰৰ বাবে দৌৰাৰ ক্ষেত্ৰতো তেনেদৰে পলম হৈছিল ৷ আনহাতে অস্কাৰৰ বাবে যোৱাত খৰচ হোৱা ধনৰ পৰিমাণ কম হোৱাটোও অন্য এটা কাৰণ বুলি প্ৰকাশ কৰে চলচ্চিত্ৰ নিৰ্মাতাগৰাকীয়ে ।
