গাভৰু নৈৰ গৰাখহনীয়াত জাহ গ'ল ৰঙাপৰাৰ বহু বিঘা কৃষিভূমি

ৰঙাপৰাত গাভৰু নৈৰ ভয়ংকৰ গৰাখহনীয়া ৷ বিভাগীয় কৰ্তৃপক্ষৰ হেমাহিৰ ফলত নৈত জাহ গল কৃষক ৰাইজৰ কৃষি ভূমি ৷ বাৰম্বাৰ অনুৰোধ জনোৱাৰ পিচতো বিভাগীয় কৰ্তৃপক্ষই কোনো ধৰণৰ ব্যৱস্থা গ্ৰহণ নকৰাত ক্ষোভিত হৈ পৰিছে ভুক্তভোগী ৰাইজ ৷

ৰঙাপৰা, 1 ছেপ্টেম্বৰঃ শোণিতপুৰ জিলাৰ ৰঙাপৰা বিধান সভা সমষ্টিৰ কাষেৰে বৈ যোৱা গাভৰু নৈৰ প্ৰবল গৰাখহনীয়াই সৃষ্টি কৰিছে আতংক । নৈৰ বুকুত জাহ গ’ল দুখীয়া কৃষক ৰাইজৰ শ শ কৃষিভূমি। ৰঙাপৰাৰ ভেলোৱাটাৰ গাঁৱত গাভৰু নৈয়ে প্ৰত্যেক বছৰে ভয়ংকৰ গৰাখহনীয়াৰ সৃষ্টি কৰি অহাত চিন্তিত হৈ পৰিছে কৃষক ৰাইজ । আনহাতে খহনীয়া প্ৰতিৰোধ নোহোৱাৰ বাবেই জাহ গ’ল কৃষক ৰাইজৰ কৃষি ভূমি।

অনাগত দিনত বিভাগীয় কৰ্তৃপক্ষই প্ৰতিৰোধৰ ব্যৱস্থা গ্ৰহণ নকৰিলে কৃষি ভূমি নদীৰ বুকুত জাহ যোৱাটো এক প্ৰকাৰৰ নিশ্চিত হৈ পৰিছে । ইফালে, দীৰ্ঘদিনৰে পৰা স্থানীয় ৰাইজে জলসম্পদ বিভাগক গৰাখনহীয়া প্ৰতিৰোধৰ ব্যৱস্থা গ্ৰহণ কৰিবলৈ দাবী জনাই অহাৰ পাচতো এই ক্ষেত্ৰত কোনো ধৰণৰ পদক্ষেপ নোলোৱাত ক্ষোভিত হৈ পৰিছে ভুক্তভোগী ৰাইজ ৷