ৰাজ্যত ৰন্ধন গেছৰ চিলিণ্ডাৰৰ নাটনি হোৱাৰ সম্ভাৱনা

ৰাজ্যবাসীৰ বাবে দুঃখবৰ। লক্ ডাউনৰ বাবে ৰাজ্যত ৰন্ধন গেছৰ চিলিণ্ডাৰৰ নাটনি হোৱাৰ সম্ভাৱনা। উত্তৰ গুৱাহাটীস্থিত বটলিং প্লান্ট বন্ধ কৰিলে শ্ৰমিকে।

কামৰূপ, 2 এপ্ৰিল :ৰাজ্যজুৰি শেহতীয়াকৈ 72 ঘণ্টাত চিনাক্ত হৈছে 16 জনকৈ কৰ'ণা আক্ৰান্ত ৰোগী ৷ দেশত কৰ'ণাৰ প্ৰাদুৰ্ভৱ ঘটনাৰ পাচতেই লক্ ডাউন ঘোষণা কৰা হৈছিল যদিও একাংশ লোকে এই লক্ ডাউন মানিব খোজা নাছিল ৷ কিন্তু ৰাজ্যত কৰ'ণা আক্ৰান্ত লোক চিনাক্ত হোৱাৰ পাচতে আতংকিত হৈ পৰিছে লোকসকল ৷ আই.অ.চি.ত ক'ৰণা ভাইৰাছ সক্ৰাংন্তীয় কোনো সজাগতা নোহোৱাৰ বাবে উত্তৰ গুৱাহাটীৰ বটলিং প্লান্টৰ শ্ৰকিকে বন্ধ কৰিলে কাম । সহস্ৰাধিক ট্ৰেংকাৰ সহ ছিলিণ্ডাৰ পৰিবাহী ট্ৰাক আৱদ্ধ হৈ আছে প্লান্টত । বিহাৰ, কলিকতা, উত্তৰ প্ৰদেশৰ লগতে অন্য ৰাজ্যৰ পৰা অহা ট্ৰেংকাৰ চালক সমূহ আৱদ্ধ হৈ আছে প্লান্টত। উল্লেখ্য যে, প্লান্টত ডিজিটেল টেম্পাৰেচাৰ চাই দায়িত্ব সামৰিছে আই.অ.চি.ত বটেলিং প্লান্টৰ জ্যেষ্ঠ প্ৰৱন্ধকে । আতংকিত হৈ পৰিছে আই.অ.চি বটলিং প্লান্টৰ সহস্ৰাধিক চালক । বটলিং প্লান্টৰ পৰা দৈনিক ১০,০০০ ৰন্ধন গেছৰ ছিলিণ্ডাৰ উৎপাদিত হয় । কিন্তু বৰ্তমান কৰ'ণাৰ আতংক আৰু লক্ ডাউনৰ বাবে বটলিঙৰ কাম স্তব্ধ হৈ পৰিছে ৷ যাৰ বাবে মূল্য বৃদ্ধি হোৱাৰ আশংকা কৰা হৈছে ৷

লগতে পঢ়ক : আৰোগ্য নিধিলৈ এদিনৰ দৰমহা প্ৰদান কৃষ্ণগুৰু আধ্যাত্মিক বিশ্ববিদ্যালয়ৰ