Flood at Baihata: বান পৰিস্থিতিৰ বুজ ল’বলৈ উপস্থিত পীযুষ হাজৰিকা, দিগন্ত কলিতা

জলমগ্ন সমগ্ৰ উত্তৰ কামৰূপ ৷ বিগত কেইবাদিন ধৰি হোৱা নেৰানেপেৰা বৰষুণৰ ফলত এতিয়া বানৰ কৱলত উত্তৰ কামৰূপৰ ভালেকেইখন গাঁও ৷ শুকুৰবাৰে বান পৰিস্থিতিৰ বুজ ল’বলৈ সেই অঞ্চলসমূহত উপস্থিত হয় মন্ত্ৰী পীযুষ হাজৰিকা (Minister Pijush Hazarika visited flood affected area), বিধায়ক দিগন্ত কলিতা আৰু কামৰূপৰ জিলা উপায়ুক্ত কৈলাশ কাৰ্তিক ৷

বাইহাটা, 17 জুন:সমগ্ৰ উত্তৰ কামৰূপত বানৰ বিভিষিকা । বাইহাটা চাৰিআলিৰ সৰহ সংখ্যক গাঁও এতিয়া পানীৰ তলত । আনকি ভিতৰুৱা পথ সমুহো পানীৰ তলত । বিগত চাৰি-পাঁচ দিনে হৈ থকা ধাৰাসাৰ বৰষুণৰ ফলত কলাজল নদীৰ জলপৃষ্ঠ অস্বাভাৱিকভাৱে উফন্দি অহাত বাইহাটাত বানে সংহাৰী ৰূপ ধাৰণ কৰিছে (Flood in Baihata) ৷

শুকুৰবাৰে জল সম্পদ মন্ত্ৰী পীযুষ হাজৰিকাই (Minister Pijush Hazarika visited flood affected area) বিধায়ক দিগন্ত কলিতাক লগত লৈ কলাজল নদীৰ বাঢ়নি পানীয়ে জলমগ্ন কৰা অঞ্চলসমূহ পৰিদৰ্শন কৰে ৷ সেই স্থানত উপস্থিত কমলপুৰৰ বিধায়ক দিগন্ত কলিতাই বানপীড়িত ৰাইজক আতংকিত নহ’বলৈ আহ্বান জনায় (MLA Diganta Kalita visited flood affected area) ৷ লগতে বানপীড়িত সকলক ৰাষ্ট্ৰীয় ঘাইপথৰ দাঁতিলৈ আহিবলৈ পৰামৰ্শ দিয়ে ৷

ইফালে এক দিনাই সেই অঞ্চলত কামৰূপৰ জিলা উপায়ুক্ত কৈলাশ কাৰ্তিক উপস্থিত হৈ উত্তৰ কামৰূপ অঞ্চলত পূৰ্বে এনে ধৰণৰ বানপানী হোৱা নাছিল বুলি ব্যক্ত কৰে ৷ লগতে বানপানীত আবদ্ধ হৈ থকা লোকসকলক এছ ডি আৰ এফ, এন ডি আৰ এফৰ সহায়ত উদ্ধাৰৰ কাম আৰম্ভ কৰা বুলি উল্লেখ কৰে উপায়ুক্তগৰাকীয়ে ৷

ইয়াৰ লগতে বানাক্ৰান্ত অঞ্চল সমূহলৈ শীঘ্ৰেই সাহাৰ্য্য সামগ্ৰী আগবঢ়াব বুলি জনালে উপায়ুক্তগৰাকীয়ে । ইতিমধ্যে স্থানীয় প্ৰশাসনক কামৰূপ জিলা প্ৰশাসনে ৩১ নং ৰাষ্ট্ৰীয় ঘাইপথ ওৱানৱে কৰি এটা পথত আশ্ৰয় শিবিৰ বনাবলৈ নিৰ্দেশ দিছে ৷

লগতে পঢ়ক:২৫ খন জিলাৰ ১৭০২ খন গাঁও বিধ্বস্ত