বাইহাটা, 16 মে’:জলসম্পদ বিভাগৰ দায়িত্ব গ্ৰহণ কৰি প্ৰথমটো মথাউৰি পৰিদৰ্শন কৰে মন্ত্ৰী পীযুষ হাজৰিকাই । কামৰূপৰ আঠগাঁৱত পুঠিমাৰী নৈত মথাউৰি পৰিদৰ্শন কৰি 20 দিনৰ ভিতৰত নিৰ্মীয়মান মথাউৰিৰ কাম সম্পূৰ্ণ নহ'লে ঠিকাদাৰক ব্লেক লিষ্টেট কৰা হ’ব বুলি মন্তব্য কৰে মন্ত্ৰী পীযুষ হাজৰিকাই ।
জলসম্পদ বিভাগৰ দায়িত্ব লৈয়ে মথাউৰি পৰিদৰ্শন মন্ত্ৰী পিয়ুষ হাজৰিকাৰ
উল্লেখ্য যে, নৈপৰীয়া ৰাইজৰ জীৱনক লৈ হেতালি খেলিলে ঠিকাদাৰৰ বিৰুদ্ধে গোচৰ ৰুজু কৰা হ’ব বুলিও মন্তব্য কৰে অসম চৰকাৰৰ মন্ত্ৰী গৰাকীয়ে ৷ আনকি, তেনে ঠিকাদাৰক জলসম্পদ বিভাগতে নহয় ৰাজ্য চৰকাৰৰ কোনো বিভাগতে ঠিকা নিদিয়াৰ হুংকাৰ প্ৰদান কৰে মন্ত্ৰী পীযুষ হাজৰিকাই ৷ আনহাতে, শৈলেন শৰ্মা নামৰ ঠিকাদাৰ গৰাকীৰ নিম্ন মানদণ্ড আৰু লেহেমীয়া কামৰ বাবে ক্ষোভ প্ৰকাশ কৰে মন্ত্ৰী গৰাকীয়ে ।