মিৰ্জাত নিৰুদ্দেশ যুৱক : পলাশবাৰী আৰক্ষী থানাত এজাহাৰ দাখিল

দক্ষিণ কামৰূপৰ মিৰ্জাত নিৰুদ্দেশ এজন যুৱক । পলাশবাৰীৰ বিশ্বজিৎ দাস নামৰ ২৮ বছৰীয়া যুৱকজন স্কুটিৰে ঘৰৰ পৰা ওলাই গৈ বৰ্তমান পৰ্যন্ত উভতি নহাত পৰিয়ালে পলাশবাৰী আৰক্ষী থানাত দাখিল কৰিছে এখন এজাহাৰ ।

কামৰূপ,27 জুলাইঃ যোৱা ১৮ জুলাই তাৰিখৰ পৰা নিৰুদ্দেশ হৈ আছে বিশ্বজিৎ দাস নামৰ ২৮ বছৰীয়া এজন যুৱক । পলাশবাৰীৰ বজাৰাপাৰা ভাগ্য কলিতা নামৰ মহিলাগৰাকীৰ একমাত্ৰ পুত্ৰ বিশ্বজিৎ দাস নিৰুদ্দেশ হোৱাত এতিয়া বিমোৰত পৰিছে মহিলাগৰাকী । জানিব পৰা ম'তে ১৮ তাৰিখে পুৱা ১১ বজাতে নিজ স্কুটিৰে ঘৰৰ পৰা ওলাই গৈ উভতি নাহিল বিশ্বজিৎ দাস ৷ ইপিনে ৰহস্যজনকভাৱে ২০ তাৰিখে তেওঁ ব্যৱহাৰ কৰা স্কুটিখন মা বগলা গেছ এজেঞ্চিত উদ্ধাৰ হয় । ইয়াৰ পাচতে ঘটনা সন্দৰ্ভত যুৱকজনৰ মাতৃয়ে পলাশবাৰী আৰক্ষী থানাত দাখিল কৰিছে এখন এজাহাৰ ।