আজাৰা,১২ জুনঃ ৰাণী আৰক্ষীৰ বৃহৎ সফলতা। ৩৮ কিলোগ্ৰাম গাঞ্জাসহ আৰক্ষীৰ জালত পৰিল ৪ জন গাঞ্জা ব্যৱসায়ী। মেঘালয়ৰ পৰা অসমলৈ চোৰাং গাঞ্জাখিনি আনি থকাৰ সময়তে ৰাণী আৰক্ষী চকীৰ আৰক্ষী বিষয়া বিক্ৰম বসুমতাৰীৰ নেতৃত্বত যোৱা এটি দলে জব্দ কৰে বৃহৎ পৰিমাণৰ গাঞ্জাখিনি।
ML-06-9080নম্বৰৰ এখন অল্ট' আৰু AS-25AC-5695 নম্বৰৰ এখন মেক্সিম' ভেনেৰে চোৰাংভাৱে আনি থকা অৱস্থাত অসম-মেঘালয় সীমান্তৱৰ্তী শুকুৰবেৰীয়াত ৰাণী আৰক্ষীয়ে গাঞ্জা আৰু গাড়ীসহ আটক কৰে গাঞ্জা ব্যৱসায়ীকেইজনক । জানিব পৰা মতে,গাঞ্জাখিনিৰ বজাৰ মূল্য প্ৰায় ৫ লাখ টকা। আটকাধীন ৪ গাঞ্জা ব্যৱসায়ী ক্ৰমে মেঘালয়ৰ প্ৰষ্টাৰ মাৰুন,গৰ্দান লিংদহ,ৰাজুৰাম ৰাভা আৰু দুৰ্গা মুণ্ডা। সম্প্ৰতি ৰাণী আৰক্ষীৰ জিম্মাত থকা এই ব্যৱসায়ী কেইজনৰ জেৰা অব্যাহত ৰাখিছে ৰাণী আৰক্ষীয়ে । দীৰ্ঘদিন ধৰি এনেদৰে চলি আহিছিল চোৰাং গাঞ্জাৰ ৰমৰমীয়া বেহা । লগতে অনাগত দিনতো এনেদৰে গাঞ্জা বিৰোধী অভিযান অব্যাহত ৰাখিব বুলি জনায় আৰক্ষী বিষয়া বিক্ৰম বসুমতাৰীয়ে।