মিৰ্জাত পিতৃয়ে ধৰ্ষণ কৰিলে নিজ ৭ বছৰীয়া কন্যাক

দক্ষিণ কামৰূপৰ মিৰ্জাত সংঘটিত সভ্য সমাজক লজ্জানত কৰা এক নিলৰ্জ কাণ্ড । পিতৃ প্ৰণৱ দাস নামৰ লোক জনে  নিজ ৭বছৰীয়া কন্যাক ধৰ্ষণ কৰা বুলি গুৰুতৰ অভিযোগ নিজ পত্নীৰ ।

গুৱাহাটী, 21 ছেপ্তেম্বৰঃ দক্ষিণ কামৰূপৰ মিৰ্জাত সংঘটিত হ'ল সভ্য সমাজক লজ্জানত কৰা এক ঘটনা । পাষণ্ড পিতৃয়ে ধৰ্ষণ কৰিলে নিজ ৭ বছৰীয়া কন্যাক ৷ পিতৃ প্ৰণৱ দাস নামৰ লোক জনে নিজ ৭বছৰীয়া কন্যাক ধৰ্ষণ কৰা বুলি এই গুৰুতৰ অভিযোগ নিজ পত্নীৰ । ধুপধাৰা কথাকঠী শিক্ষাখণ্ডৰ CRC ৰূপে কৰ্মৰত লোকজনে মিৰ্জাত তেওঁৰ দ্বিতীয় পত্নী আৰু কন্যাৰ সৈতে ভাড়াতীয়া ৰূপে বসবাস কৰি আহিছিল । উক্ত ভাড়াঘৰতে পাষণ্ড পিতৃয়ে নিজ কন্যাক ধৰ্ষণ কৰা বুলি গুৰুত্বৰ অভিযোগ তুলিছে পত্নীয়ে । উক্ত ঘটনা সন্দৰ্ভত পলাশবাৰী আৰক্ষী থানাত এজাহাৰ দাখিল কৰে পত্নীয়ে । ইতিমধ্যে পত্নীৰ এজাহাৰৰ ভিত্তিত পলাশবাৰী আৰক্ষীয়ে অভিযুক্ত প্ৰণৱ দাসক গ্ৰেপ্তাৰ কৰি জেল হাজোতলৈ প্ৰেৰণ কৰে ৷