ভূমিকম্পৰ ফলত বাইহাটাৰ মনসা মন্দিৰত খহি পৰিল বিগ্ৰহ

ভূমিকম্পৰ ফলত কামৰূপ জিলাৰ বাইহাটা চাৰিআলিৰ সমীপৰ এটা মনসা মন্দিৰৰো বিস্তৰ ক্ষতি সাধন হয় । ঐতিহাসিক মন্দিৰটোৰ দেৱালৰ পৰা কেইবাটাও বিগ্ৰহ খহি পৰে ।

বাইহাটা,২৮ এপ্ৰিল :বুধবাৰে পুৱাই অহা ভয়ংকৰ ভূমিকম্পৰ ফলত অসমৰ কামৰূপ জিলা, কামৰূপ মহানগৰ, শোণিতপুৰ, বিশ্বনাথ, নগাঁও আদি কেইবাখনো জিলাত যথেষ্ট ক্ষতি সাধন হোৱা দেখা যায় । কামৰূপ জিলাৰ বাইহাটা চাৰিআলিৰ সমীপৰ এটা মনসা মন্দিৰৰো বিস্তৰ ক্ষতি সাধন হয় ভূঁইকপৰ ফলত ।

বামা গাঁৱৰ ঐতিহাসিক বুঢ়াগোহাঁই মন্দিৰটোৰ দেৱালৰ পৰা কেইবাটাও বিগ্ৰহ খহি পৰে । প্ৰায় ৩০০ বছৰ পূৰ্বে স্থাপন হোৱা মন্দিৰটোত থকা কালী দেৱীৰ বিগ্ৰহ, লক্ষী দেৱী আৰু গণেশৰ বিগ্ৰহ খহি পৰে ভূমিকম্পৰ ফলত ৷

লগতে পঢ়ক:ৰিতুল শইকীয়া এতিয়াও আলফাৰ জিম্মাতে আছে: জিপি সিং