ৰঙিয়া,১৩ ফেব্ৰুৱাৰী: আহি থকা নিৰ্বাচনৰ লগত সংগতি ৰাখি শনিবাৰে কামৰূপ জিলাৰ ৰঙিয়া মহকুমাধিপতিয়ে এক সংবাদমেল সম্বোধন কৰে । কোনো ভোটাৰে যাতে ভোটদানৰ পৰা বঞ্চিত নহয় সেই উদ্দেশ্যে আগত ৰাখি নতুন ভোটাৰসকলক বিশেষ সুবিধা প্ৰদান কৰা হৈছে বুলি জনায় মহকুমাধিপতিগৰাকীয়ে ।
তেওঁ জনোৱা মতে নিৰ্বাচনৰ পূৰ্বে ২০২১ চনৰ চূড়ান্ত ভোটাৰ তালিকা প্ৰকাশ হোৱাৰ পিছতো নতুনকৈ ভোটদানৰ বাবে যোগ্য হোৱা সকলে নিজৰ নাম ভোটাৰ তালিকাত সন্নিবিষ্ট কৰিব পাৰিব । নিজ অঞ্চলৰ বিএলও অথবা ৰঙিয়া মহকুমাধিপতি কাৰ্যালয়ৰ নিৰ্বাচনী বিভাগৰ জৰিয়তে নতুন ভোটাৰ সকলে গ্ৰহণ কৰিব পাৰিব এই সুবিধা ।
ৰঙিয়াত মহকুমাধিপতিৰ সংবাদমেল
ৰঙিয়াৰ মহকুমাধিপতি স্বপ্নীল পালে লগতে কয় যে ক'ভিড ১৯ৰ বাবে আগন্তুক নিৰ্বাচনত প্ৰশাসনে বিশেষ কিছুমান ব্যৱস্থা লৈছে ।