বকোত অত্যাধিক মদ্যপান কৰি অগ্নিদগ্ধ হৈ মহিলাৰ মৃত্যু

আনহাতে একাংশ ৰাইজৰ অভিযোগ অনুসৰি লীলাৱতীৰ মৃত্যুত হাত আছে মহিলাগৰাকীৰ স্বামী দীপেন ৰাভাৰ ৷

বকো, 24 ফেব্ৰুৱাৰীঃ বকোৰ পাৰোগাঁৱত দেওবাৰে নিশা সংঘটিত হয় এক অঘটন। জানিব পৰা মতে,অত্যাধিক মদ্যপান কৰি অগ্নিদগ্ধ হৈ প্ৰাণ হেৰুৱাই পাৰোগাঁৱৰ লীলাৱতী ৰাভা (৪০) নামৰ এগৰাকী মহিলাই ৷ এই ঘটনাই গভীৰ শোকৰ ছাঁ পেলাইছে সমগ্ৰ অঞ্চলটোত ৷

আনহাতে একাংশ ৰাইজৰ অভিযোগ অনুসৰি লীলাৱতীৰ মৃত্যুত হাত আছে মহিলাগৰাকীৰ স্বামী দীপেন ৰাভাৰ ৷ স্বামীয়ে হত্যা কৰি জুয়ে পোৰাৰ ঘটনা ৰচা বুলি উক্ত ঘটনা সন্দৰ্ভত মন্তব্য কৰে স্থানীয় ৰাইজে ৷ ঘটনাস্থলীত বকো আৰক্ষী উপস্থিত হৈ মহিলাগৰাকীৰ মৃতদেহ উদ্ধাৰ কৰাৰ লগতে তদন্ত আৰম্ভ কৰিছে ৷

লগতে পঢ়কঃ অসমত বৃদ্ধি পাইছে ৰক্তহীনতাত আক্ৰান্তৰ সংখ্যা