বকোত আৰছুৰ চাইকেল লৈ'সংকল্প যাত্ৰা'

প্ৰায় পাঁচ শতাধিক চাইকেলেৰে বকোৰ পৰা হাহিম হৈ বকোস্থিত আঞ্চলিক ৰাভা ছাত্ৰ সন্থাৰ কাৰ্যালয়পৰা ১৬ কিলোমিটাৰ অতিক্ৰম কৰে এই  চাইকেল ৰেলী ৷ জনজাতি খণ্ড আৰু আবেষ্টনী এলেকা GMDAত অন্তৰ্ভুক্তিৰ বিৰোধিতা কৰে সদৌ ৰাভা ছাত্ৰ সন্থাকে ধৰি বহুকেইটা সংগঠনে ।

বকো,27 ছেপ্টেম্বৰঃ কামৰূপ মহানগৰ সম্প্ৰসাৰণৰ বিৰোধিতাৰে বকোত কামৰূপ জিলা ৰাভা ছাত্ৰ সন্থা,ৰাভা মহিলা পৰিষদ আৰু ষষ্ঠ অনুসূচী দাবী সমিতিৰ যৌথ উদ্যোগত 'সংকল্প যাত্ৰা' উলিয়াই সংগঠনকেইটাই ৷ বকো চহৰৰ মাজেৰে বিশাল চাইকেল সমদল উলিয়াই চৰকাৰ বিৰোধী শ্লোগানেৰ উত্তাল কৰে বকো চহৰ। প্ৰায় পাঁচ শতাধিক চাইকেলেৰে বকোৰ পৰা হাহিম হৈ বকোস্থিত আঞ্চলিক ৰাভা ছাত্ৰ সন্থাৰ কাৰ্যালয়পৰা ১৬ কিলোমিটাৰ অতিক্ৰম কৰে এই চাইকেল ৰেলী ৷ জনজাতি খণ্ড আৰু আবেষ্টনী এলেকা GMDAত অন্তৰ্ভুক্তিৰ বিৰোধিতা কৰে সদৌ ৰাভা ছাত্ৰ সন্থাকে ধৰি বহুকেইটা সংগঠনে । Assam State Capital Regeon Devlopment Authority Act 2017 আইনৰ জৰিয়তে গুৱাহাটী মহানগৰ সম্প্ৰসাৰণ কৰাৰ প্ৰস্তাৱ গ্ৰহণ কৰে অসম চৰকাৰে ৷ এই মহানগৰ সম্প্ৰসাৰণৰ এলেকা বকোলৈ নিৰ্দ্ধাৰণ কৰে ৷ যাৰ ফলত পলাশবাৰী,ছয়গাওঁ আৰু বকোত ৰাভা হাছং স্বায়ত্ব শাষিত পৰিষদৰ অন্তৰ্ভুক্ত বহু গাঁও GMDAৰ আওতালৈ আহিব ৷ ৰাভা হাছংৰ নেতৃত্বই এই বিল খনৰ বিৰোধিতা কৰি আহিছে দীৰ্ঘদিনৰ পৰা ৷ GAMDAত অন্তৰ্ভুক্ত হোৱা ৰাভা হাছং স্বায়িত্ব শাসিত পৰিষদৰ এলেকাধিন গাওঁ কৰ্তনৰ দাবী কৰি আহিছে ৷

মহানগৰ সম্প্ৰসাৰণৰ বিৰোধিতাৰে বকোত চাইকেল সমদল

মহানগৰ সম্প্ৰসাৰণ আইন বাতিলৰ দাবীত বৃহস্পতিবাৰে এই চাইকেল ৰেলী উলিয়াই ৷ তেওঁলোকৰ মতে এই কাৰ্যই খিলঞ্জীয়াৰ অধিকাৰ খৰ্ব কৰিব আৰু চৰকাৰে যি প্ৰস্তাৱ হাতত লৈছে তাক শীঘ্ৰেই বাতিল কৰিবলৈ দাবী জনাইছে ৷ উল্লেখ্য যে বকোৰ স্থানীয় লোকসকলেও ইয়াৰ বিৰোধিতা কৰি আহিছে দীৰ্ঘদিন ধৰি ৷