কামৰূপ, ১৮ নৱেম্বৰ: ১৯৭১ চনৰ ১৮ নৱেম্বৰ । এই দিনটোতে জন্ম লাভ কৰিছিল ইশ্বৰ প্ৰদত্ত এটি কণ্ঠই । যি কণ্ঠই বিগত 48 টা বছৰে জীপাল কৰি ৰাখিছে কোটি-কোটি শ্ৰোতা-দৰ্শকৰ হৃদয় ।
আজি জুবিন গাৰ্গৰ 48 সংখ্যক ওপজা দিন । ১৯৯২ চনত জুবিন গাৰ্গে “অনামিকা”ৰ হাতত ধৰি “মৰম বৰষা”ৰ সেই কালজয়ী গীতৰ সুৰত আজিও তিতি আছে কোটি-কোটি লোকৰ হৃদয় । সেয়ে মৰমৰ শিল্পী গৰাকীৰ ওপজা দিনত আজি সকলোৱে জ্ঞাপন কৰিছে শুভেচ্ছা ৷ অসমৰ জ্যেষ্ঠ অভিনেতা প্ৰাঞ্জল শইকীয়াইয়ো জুবিন গাৰ্গৰ উজ্জল ভৱিষ্যতৰ কামনা কৰি যাচিলে আশীৰ্বাদ ।
অন্য এক খবৰৰ বাবে: মৰিগাঁৱত বিৰাজ কৰিছে নান্দনিক পৰিৱেশে
নৱপ্ৰজন্মৰ হাৰ্ট থ্ৰ' জুবিন গাৰ্গৰ 48 সংখ্যক জন্মদিন উপলক্ষে বহু অনুৰাগীয়ে ভিন্ন ঠাইত অংকণ কৰিলে শিল্পী গৰাকীৰ ছৱি ৷ ৰাজ্যৰ ভিন্ন প্ৰান্তত কটা হ'ল কেক ৷ সৰ্বত্ৰে মৰমৰ শিল্পী গৰাকীৰ জন্মদিন পালন কৰা হ'ল উলহ-মালেহেৰ ৷ বহুতে আকৌ কবিতাৰ ভাষাৰে লিখিছে- “হৃদয়ৰ কোঁহে কোঁহে এতিয়া তোমাৰেই নাম। কেতিয়াবা নদী হোৱা, কেতিয়াবা সাগৰ। কেতিয়াবা আকৌ ঠিয় হোৱা সাহসৰ কাঞ্চনজংঘা হৈ''।