কামৰূপ,31মেঃ দক্ষিণ কামৰূপৰ ৰামপুৰৰ মেধাসম্পন্ন ছাত্ৰ প্ৰৱালজ্যোতি কলিতা। সদ্যঘোষিত উচ্চতৰ মাধ্যমিক শিক্ষান্ত পৰীক্ষাত সুখ্যাতিৰে কলা শাখাত উত্তীৰ্ণ হয় প্ৰবাল। পিতৃ-মাতৃৰ একমাত্ৰ সন্তান তথা ঘৰৰ উপাৰ্জনকাৰী প্ৰবাল বৰ্তমান শয্যাশায়ী ৷ দুৰাৰোগ্য ৰোগত আক্ৰান্ত প্ৰবালৰ উচ্চ চিকিৎসাৰ বাবে অপাৰগ পিতৃ বিশ্বমোহন কলিতা ৷
দুৰাৰোগ্য ৰোগত আক্ৰান্ত হৈ জীৱন অতিবাহিত কৰিছে ৰামপুৰৰ প্ৰবালে
ব্ৰেইন টিউমাৰত আক্ৰান্ত প্ৰবালক ইতিমধ্যে পৰিয়ালৰ লোকে গুৱাহাটী চিকিৎসা মহাবিদ্যালয় আৰু জি এন আৰ চিত কিছু চিকিৎসা প্ৰদান কৰিছে যদিও সেয়াই যথেষ্ট নহয় ৷ প্ৰবালৰ চিকিৎসাৰ বাবে বৰ্তমান দৰকাৰ প্ৰায় ৮ লাখ টকাৰ যিটো প্ৰবালৰ পিতৃৰ বাবে সপোনৰো অগোচৰ ৷ যদিও চেষ্টা অব্যাহত ৰাখিছে প্ৰবালৰ বন্ধু-বান্ধৱ তথা স্থানীয় এদল যুৱক-যুৱতীয়ে ৷