হাজোত চুৰি গৰু উদ্ধাৰ কৰি আৰক্ষীৰ বিলাই

হাজো আৰক্ষী থানাত চুৰি গৰু উদ্ধাৰ কৰি আৰক্ষীয়ে অপৰাধীৰ পিছত দৌৰাতকৈ প্ৰতিপালন কৰিব লগা হৈছে উদ্ধাৰ কৰা চুৰি গৰু ।

হাজো, ৭ মেঃ হাজো আৰক্ষীয়ে কোঁৱৰপুৰৰ এজন লোকৰ ঘৰৰ পৰা উদ্ধাৰ কৰে ৯ টাকৈ চুৰি গৰু । নজৰুল হক নামৰ লোক এজনক গ্ৰেপ্তাৰ আৰক্ষীৰ । আৰক্ষীয়ে উদ্ধাৰ কৰা চুৰি গৰু কেইটাৰ এতিয়াও গৰাকী ওলোৱা নাই । দুদিন পূৰ্বেও বিলাসী Ac গাড়ীত দুটা চুৰি গৰু সহ গ্ৰেপ্তাৰ কৰিছিল গৰু চোৰ এটাক । গৰু চোৰৰ কৱলৰ পৰা উদ্ধাৰ কৰা গৰুৰে এতিয়া ভৰি পৰিছে হাজো আৰক্ষী থানা । এতিয়া হাজো থানাত প্ৰৱেশ কৰিলে এনে লাগে যেন এয়া থানা নহয় গোশালা হে । পিছে গাখীৰ নিদিলেও উপায় নাই, আৰক্ষীয়ে প্ৰতিপালন কৰিব লগীয়া হৈছে উদ্ধাৰ কৰা চুৰি গৰু কেইটা । কিন্তু এতিয়াও গৰাকী নোলোৱা গৰু কেইটা মূৰৰ কামোৰণি হৈ পৰিছে হাজো আৰক্ষীৰ । মাজে সময়ে দুই এজনে বিচাৰি আহে যদিও উলটি যায় নিজৰ গৰু নহয় বুলি । সেইলৈ এতিয়া হাজো আৰক্ষীয়ে অপৰাধীৰ পিছত দৌৰাত কৈ প্ৰতিপালন কৰিব লগা হৈছে উদ্ধাৰ কৰা ১১ টা কৈ চুৰি গৰু ।

অধিক পঢ়িবলৈ-লখিমপুৰৰ প্ৰাক্তন বিধায়ক জগত হাজৰিকাৰ বাসগৃহত চুৰিকাণ্ড