ছয়গাঁৱত বন্যাৰ্তক খাদ্য সামগ্ৰী বিতৰণ মহিলা সমিতিৰ

টপাৰ পথাৰ,অগ্ৰদূত আদি অঞ্চলৰ বহুসংখ্যক বানপীড়িত লোকক উদ্ধাৰ কৰাৰ লগতে মথাউৰিত অস্থায়ীভাৱে আশ্ৰয় লোৱাৰ ব্যৱস্থা কৰি দিয়ে ৷

ছয়গাঁও, ১৭ জুলাইঃ ছয়গাঁৱৰ গৰৈমাৰীত হাঁহচৰী মহিলা সমিতিৰ বিশেষ পদক্ষেপ । বানাক্ৰান্ত লোকক উদ্ধাৰ কৰাৰ লগতে খাদ্য সামগ্ৰী বিতৰণ কৰে মহিলা সমিতিখনে।

গৰৈমাৰীৰ হাঁহচৰী মহিলা সমিতিৰ সদস্যাসকলে বুধবাৰে গৰৈমাৰী ৰাজহ চক্ৰৰ অন্তৰ্গত টপাৰ পথাৰ,অগ্ৰদূত আদি অঞ্চলৰ বহুসংখ্যক বানপীড়িত লোকক উদ্ধাৰ কৰাৰ লগতে মথাউৰিত অস্থায়ীভাৱে আশ্ৰয় লোৱাৰ ব্যৱস্থা কৰি দিয়ে ৷ স্বেচ্ছাসেৱী সংগঠনটোৱে মুঠ ৭০ টা পৰিয়ালক এনেদৰে উদ্ধাৰ কৰাৰ লগতে ৫০ টা পৰিয়ালক মথাউৰিত তম্বু তৰি থকাৰ বাবে ৫০ খন তিৰ্পালৰ লগতে খোৱা খাদ্য সামগ্ৰী বিতৰণ কৰে ৷ মহিলা সমিতিখনৰ ৩০ জনীয়া দলটোৰ এই মহানুভৱতাক অঞ্চলটোৰ ৰাইজে ভূয়সী প্ৰশংসা কৰিছে ৷

লগতে আন এটা বাতৰি- নাৱত আহাৰ লৈ বানাক্ৰান্তৰ কাষত বিধায়ক মৃণাল শইকীয়া