ভৰি ধুবলৈ গৈ বাথা নৈত সন্ধানহীন হ'ল যুৱক

বাথা নৈত ভৰি ধুবলৈ গৈ সন্ধানহীন হ'ল এজন যুৱক ৷ শুকুৰবাৰৰ পৰা সন্ধানহীন হোৱা যুৱকজনৰ বৰ্তমানেও পোৱা নাই কোনো সন্ধান ৷

কামৰূপ,3আগষ্ট : দক্ষিণ কামৰূপত অঘটন ৷ শুকুৰবাৰে বাথা নৈত ভৰি ধুবলৈ গৈ পিছলি পৰে এজন যুৱক ৷ বৰ্তমানেও সন্ধান পোৱা নাই যুৱকজনৰ ৷ দুজন ভাই-ভনীৰ সৈতে এজন যুৱকে নুনমাটিৰ আৰু মঠঘৰীয়াৰ পৰা দক্ষিণ কামৰূপৰ লোহাৰঘাট বাতাবাৰীলৈ ফুৰিবলৈ আহিছিল ৷দুই ভাতৃ-ভগ্নী ক্ৰমে ৰবি কুমাৰী,বিনাশ কুমাৰ আৰু স্বৰূপ সূত্ৰধৰ বুলি জানিব পৰা গৈছে ৷ ভৰি ধুবলৈ আটাইকেইজন নামি গৈছিল নৈৰ কাষলৈ ৷ কিন্তু দুৰ্ভাগ্যবশত স্বৰূপ সূত্ৰধৰ নামৰ মঠঘৰীয়াৰ যুৱকজন পিছলি পৰে বাথা নৈত ৷ বাঢ়নী পানীয়ে উটুৱাই নিয়ে স্বৰূপক ৷ ঘটনাৰ পাছতে আৰক্ষী আৰু SDRFবাহিনীক খবৰ দিয়া হয় ৷ লগে-লগে ঘটনাস্থলীত SDRF বাহিনীয়ে উপস্থিত হৈ চলায় অভিযান ৷