বকো, 16 জুন : বিগত ১১ জুনত কোকৰাঝাৰ( KOKRAJHAR)ৰ অভয়াখুটিত দুৰ্বৃত্তই দুগৰাকী কিশোৰীক নৃশংসভাৱে ধৰ্ষণ কৰি হত্যা কৰে ৷ ইতিমধ্যে উক্ত ঘটনাটোৰ সৈতে জড়িত দোষীক উপযুক্ত শাস্তিৰ দাবীত বিভিন্ন দল সংগঠনে তীব্ৰ প্ৰতিবাদ সাব্যস্ত কৰে ৷ ঠিক একেদৰে উক্ত ঘটনাটোৰ বিৰুদ্ধে হত্যাকাৰীক ফাঁচী দিয়াৰ দাবীত বুধবাৰে উত্তাল প্ৰতিবাদ সাব্যস্ত কৰে ৰাভা ছাত্ৰ সন্থাকে ধৰি ছয় ৰাভা সংগঠনৰ সদস্য সকলে।
বকোত দুই কিশোৰীৰ হত্যাকাণ্ডৰ উচিত তদন্তৰ দাবীত উত্তাল প্ৰতিবাদ
উক্ত ঘটনাটোত জড়িত হত্যাকাৰীক তৎকালীনভাৱে কাৰ্যকৰী হোৱাকৈ ফাষ্টট্ৰেক( FAST TRACK) আদালতৰ জৰিয়তে তদন্ত কৰি ফাঁচী দিবলৈ দাবী জনাইছে প্ৰতিবাদকাৰী সকলে ৷ লগতে উক্ত ঘটনাটোৰ সন্দৰ্ভত ৰাভা ছাত্ৰ সন্থাৰ কামৰূপ জিলা( KAMRUP DISTRICT) ৰ সভাপতি অজিত ৰাভাই বকো ৰাজহ চক্ৰ বিষয়াৰ জৰিয়তে মূখ্যমন্ত্ৰী ড° হিমন্ত বিশ্ব শৰ্মালৈ এখন স্মাৰক পত্ৰ প্ৰদান কৰে ।