ৰাজ্যবাসীলৈ বিহুৰ শুভেচ্ছা জ্ঞাপন আলফা স্বাধীনৰ

অসমবাসীলৈ ৰঙালীৰ শুভেচ্ছা জ্ঞাপন কৰিলে আলফা স্বাধীনে ৷ ক’ভিডৰ নীতি-নিৰ্দেশনা মানি চলি বিহু উদযাপন কৰিবলৈ আহ্বান নিষিদ্ধ ঘোষিত সংগঠনটোৰ ৷

গুৱাহাটী,13 এপ্ৰিল: অসমবাসীলৈ ৰঙালীৰ শুভেচ্ছা জ্ঞাপন কৰিলে আলফা স্বাধীনে । আলফা স্বাধীনে ৰাজ্যবাসীলৈ বিহুৰ শুভেচ্ছা জ্ঞাপন কৰি ক’ভিডৰ নীতি-নিৰ্দেশনা মানি চলি বিহু উদযাপন কৰিবলৈ আহ্বান জনায় ৷

উল্লেখযোগ্য় যে, মঙলবাৰে এক বিবৃতিযোগে আলফা স্বাধীনৰ সভাপতি ডাঃ অভিজিৎ অসমে ৰাজ্যবাসীলৈ বিহুৰ শুভেচ্ছা জ্ঞাপন কৰি ৰাজ্যবাসীক বিহু উদযাপনৰ বেলিকা ক’ভিডৰ নীতি-নিৰ্দেশনাসমূহ মানি চলিবলৈ আহ্বান জনায় । বিবৃতিটোৰ জৰিয়তে তেওঁ কয় যে- 'আমাৰ একান্ত অনুৰোধ যে নিজৰ আৰু সমাজৰ হিতাৰ্থে বিশ্ব স্বাস্থ্য সংস্থাই প্ৰচাৰ কৰা স্বাস্থ্য বিধিবোৰ আখৰে-আখৰে পালন কৰি আই অসমীৰ আকাশ-বতাহ কৰ’ণা বিজাণুমুক্ত হোৱাত সহায় কৰক' ৷

লগতে পঢ়ক:ৰঙালী বিহুৰ শুভেচ্ছা জনালে কণ্ঠশিল্পী কুসুম কৈলাশে