সোণাপুৰৰ তামুলীকুছিত চুৰিকাণ্ড

গেটৰ তলা ভাঙি চুৰ কৰি নিলে দুখনকৈ মটৰ চাইকেল

গুৱাহাটী,২৪ ফেব্ৰুৱাৰী: গেটৰ তলা ভাঙি চোৰে লৈ গ'ল দুখনকৈ মটৰ চাইকেল। সোণাপুৰ আৰক্ষী চকীৰ অন্তৰ্গত ১৩ মাইল তামুলীকুছিস্থিত ধর্মেন্দ্ৰৰ মাদাছিয়াৰ ঘৰৰ পৰা দেওবাৰে পুৱতি নিশাই চোৰে চুৰি কৰি নিয়ে দুখনকৈ মটৰ চাইকেল ।

উল্লেখ্য যে,এ এছ ০১ডি ইউ ১৭৪৮ নম্বৰৰ গ্লেমাৰ বাইক আৰু এ এছ ০১ বি পি ৫৯৫৮ নম্বৰৰ এফ জেদ এছ বাইক দুখন চুৰ কৰি নিয়ে চোৰে ।কেৱল এয়াই নহয়, কাষৰ ঘৰৰ গেটৰ তলা ভাঙি দুটাকৈ হেলমেটো লৈ যায় চোৰে।

ঘটনা সন্দৰ্ভত ইতিমধ্যে সোণাপুৰ আৰক্ষী চকীত এজাহাৰ দাখিল কৰে বাইক দুখনৰ গৰাকী ৰাকেশ হাজৰিকা আৰু সুৰজ সাহই ।