এক বজাৰ শীৰ্ষ বাতৰিসমূহ...

এক বজাৰ শীৰ্ষ বাতৰিসমূহ...

ডিব্ৰুগড়ৰ অসম চিকিৎসা মহাবিদ্যালয়ত চিকিৎসাধীন দুজন ৰোগীৰ দেহত ধৰা পৰিছে COVID-19 ৷ মেডিচিন বিভাগৰ 4 নং ব্লকত চিকিৎসাধীন হৈ থকা ৰোগী দুজনৰ দেহত ক'ভিড-19 ধৰা পৰাৰ পাচতেই চিকিৎসালয় খনত লাগিছে হুৱাদুৱা ৷

ৰাজ্যজুৰি কৰ'ণা আতংকৰ মাজতে ডিগবৈত IED উদ্ধাৰ ৷ ডিগবৈৰ বগাপানী ৰামনগৰৰ ৩৮ নং ৰাষ্ট্ৰীয় ঘাইপথৰ সমীপৰ পৰা উদ্ধাৰ কৰা হয় IED টো । গোপন সূত্ৰৰ পম খেতি সেনাই উদ্ধাৰ কৰে IED টো ৷

মঙলবাৰৰ দিনটোত ৰাজ্যত 48 গৰাকী লোক নতুনকৈ আক্ৰান্ত হ'ল কোভিড-19 ত ৷ আক্ৰান্ত সকলৰ 13 গৰাকী বিশ্বানথৰ, 9 গৰাকী পশ্চিম কাৰ্বি আংলঙৰ, 7 গৰাকী কৰিমগঞ্জৰ, 4 গৰাকী হোজাইৰ আৰু এগৰাকী কাছাৰ জিলাৰ ৷

ধিঙৰ শালকাটিত হোম কোৱাৰেণ্টাইনত থকা যুৱকৰ দেহত ধৰা পৰিল কভিড ১৯ পজিটিভ ৷ ঘটনাক কেন্দ্ৰ কৰি আতংকিত গাঁওবাসী ৷

মুখ্যমন্ত্ৰী সৰ্বানন্দ সোণোৱালৰ আশ্বাসৰ পিছতো ডিব্ৰুগড়ৰ লেজাইবাসীয়ে লাভ কৰা নাই কোনো চৰকাৰী সাহায্য ৷ ধুমুহাত ক্ষতিগ্ৰস্ত অঞ্চলবাসীৰ প্ৰতি প্ৰতাৰণাৰ অভিযোগ উত্থাপন ৰাইজৰ ৷ খবৰ ল'বলৈ জন প্ৰতিনিধিৰ নাই আহৰি ৷

বহিঃৰাজ্যৰ পৰা অহা যুৱক যুৱতীৰ সুবিধাৰ্থে অসম চৰকাৰৰ বিশেষ পদক্ষেপ। 'সুদক্ষ' নামৰ আঁচনিখনৰ জৰিয়তে আত্মসংস্থাপনৰ বাট মোকলাই দিয়া হ'ব যুৱক-যুৱতীসকলক ৷

গুৱাহাটী উচ্চ ন্যায়ালয়ে জামিন মঞ্জুৰ কৰাৰ পিছত মুকলি হ'ল আমিনুল ইছলাম । গুৱাহাটী কেন্দ্ৰীয় কাৰাগাৰৰ পৰা মঙলবাৰে সন্ধিয়া মুকলি হয় বিধায়কগৰাকী ।

মহানগৰীত থকা ১৯ খন পাহাৰত কেইবা লাখ লোকে বসবাস কৰি আছে আৰু এই পাহাৰীয়া অঞ্চল সমূহৰ ৩৬৬ খন ঠাই ভূমিস্খলনৰ সম্ভাৱনা পূৰ্ণ অঞ্চল হিচাপে চিনাক্ত কাৰণ কৰা হৈছে । এই অঞ্চলসমূহত ভূমিস্খলন ৰোধ কৰাৰ বাবে অসম ৰাজ্যিক দুৰ্যোগ ব্যৱস্থাপনা প্ৰাধিকৰণ আৰু জিলা প্ৰশাসনে হাতত লৈছে কেইবাটাও গুৰুত্বপূৰ্ণ ব্যৱস্থা ।

ক্ৰমাৎ নিৰ্দয় হৈ পৰিছে মানৱ সমাজ ৷ ভিন্ন সময়ত মানুহে বধিৰ জীৱক নৃশংসভাৱে হত্যা কৰা বা অত্যাচাৰ চলোৱাৰ ঘটনা আমি পাই আহিছোঁ ৷ কেৰালাত সংঘটিত হৈছে তেনে এক ঘটনা ৷ মানুহে আগবঢ়োৱা বিস্ফোৰক যুক্ত ফল খায় মৃত্যুক আঁকোৱালি ল'লে এজনী গাভিনী হাতীয়ে ৷

কৰ্মৰত অৱস্থাতে এগৰাকী ৰোগীৰ মৃত্যুৰ বাবে দোষাৰোপ কৰি একাংশ লোকে উপৰ্জুপৰি প্ৰহাৰ কৰাত মৃ্ত্যু হৈছিল চিকিৎসক দেবেন দত্তৰ ৷ বিগত 9 মাহে ন্যায়ৰ বাবে যুঁজি থকা চিকিৎসক গৰাকীৰ পত্নীয়ে এইবাৰ প্ৰতিক্ৰিয়া প্ৰকাশ কৰিছে মৰিয়নীৰ দেৱাশীষ গগৈ হত্য়াকাণ্ড সন্দৰ্ভত ৷