ধেমাজিত বিজেপিৰ ঘোষিত প্ৰাৰ্থী ৰণোজ পেগুক উষ্ম আদৰণি
বিজেপিৰ পৰা প্ৰাৰ্থীত্ব লাভ কৰাৰ পাছতে শনিবাৰে নিজ গৃহ সমষ্টি ধেমাজিত উপস্থিত হয় ৰণোজ পেগু ৷ শ-শ সমৰ্থকে বিশাল শোভাযাত্ৰাৰে ধেমাজি সদৰলৈ আদৰণি জনাই নেতা গৰাকীক ৷
টিকট নোপোৱাৰ ক্ষোভ: কংগ্ৰেছলৈ বিতোপন শইকীয়া
বিজেপিত টিকট লাভৰ পৰা বঞ্চিত প্ৰাৰ্থীৰ বিসম্বাদ । টিকট নাপাই নিশাই কংগ্ৰেছত যোগদান কৰিলে গোলাঘাটৰ প্ৰভাৱশালী বিজেপি নেতা বিতোপন শইকীয়াই । গোলাঘাটৰ পৰা কংগ্ৰেছৰ হৈ নিৰ্বাচনত প্ৰতিদ্বন্দিতা কৰিব ন-কংগ্ৰেছী নেতাগৰাকীয়ে ।
ছোনিয়া গান্ধীলৈ পদত্যাগ পত্ৰ প্ৰেৰণ সুস্মিতা দেৱৰ
নিৰ্বাচনৰ প্ৰাকক্ষণত কংগ্ৰেছৰ বাবে এক বেয়া খবৰ ৷ কংগ্ৰেছৰ প্ৰাক্তন সাংসদ তথা ভাৰতীয় মহিলা কংগ্ৰেছৰ সভাপতি সুস্মিতা দেৱে ত্যাগ কৰিব খুজিছে কংগ্ৰেছ ৷ ইতিমধ্যে ছোনিয়া গান্ধীলৈ পদত্যাগ পত্ৰ প্ৰেৰণ কৰিছে কংগ্ৰেছ নেত্ৰীগৰাকীয়ে ৷ প্ৰাৰ্থিত্বকেন্দ্ৰিক অসন্তুষ্টিৰ বাবেই কংগ্ৰেছ ত্যাগ কৰা বুলি জানিবলৈ দিছে কংগ্ৰেছ নেত্ৰীগৰাকীয়ে ৷
সঞ্জয় কিষাণক প্ৰাৰ্থিত্ব প্ৰদান কৰাত উৎফুল্লিত সমৰ্থক
তিনিচুকীয়া সমষ্টিৰ পৰা পুনৰবাৰ বিজেপিৰ প্ৰাৰ্থী হিচাপে টিকট লাভ কৰিলে বিধায়ক সঞ্জয় কিষাণে ৷ সঞ্জয় কিষাণক প্ৰাৰ্থিত্ব প্ৰদান কৰাত উৎফুল্লিত হৈ পৰিছে সমৰ্থকৰ লগতে দলীয় কৰ্মকৰ্তা সকল ৷
8 মাৰ্চত প্ৰথমখন প্ৰাৰ্থী তালিকা প্ৰকাশ কৰিব বিপিএফে
দ্বিতীয় পৰ্যায়ৰ নিৰ্বাচনৰ বাবে 4 টা সমষ্টিক সাঙুৰি বিপিএফে 8 মাৰ্চত প্ৰথমখন প্ৰাৰ্থী তালিকা প্ৰকাশ কৰিব ৷ এই কথা সদৰী কৰিছে দলটোৰ নেতা হাগ্ৰামা মহিলাৰীয়ে ৷ এইবেলি নিৰ্বাচনত বিপিএফে 12 খন আসন লাভ কৰাৰ লগতে মহাজোঁটে 70 খন আসন লাভ কৰিব বুলিও হাগ্ৰামা মহিলাৰীয়ে দাবী কৰে ।